«Հրապարակ». Մի բան էն չի նախագահ-վարչապետ տանդեմում. Կարեն Կարապետյանին կարևոր հարցի քննարկմանը չեն հրավիրել

«Հրապարակ» թերթը գրում է.

«Մինչ ԱԺ ուղարկվելը` «Պաշտպանության մասին» նոր օրենքի նախագիծը քննարկվել, «ադաբրյամսի» է արժանացել նախագահական նստավայրում` Սերժ Սարգսյանի մասնակցությամբ:

Ներկաները տարակուսել են, որ կառավարության ներկայացրած կարևորագույն նախագծի քննարկման ժամանակ ներկա չի եղել վարչապետը։ Մինչդեռ, նախագծով որոշակիորեն նվազեցվում են վարչապետի լիազորությունները, կարևորագույն որոշումների մոդերատոր դարձնում կառավարությանը և Անվտանգության խորհրդին։

Կարեն Կարապետյանի բացակայությունը մասնակիցներին հեռուն գնացող եզրակացությունների առիթ է տվել. եթե վարչապետը չի հրավիրվել, ուրեմն մի բան էն չի նախագահ-վարչապետ տանդեմում, եթե կրճատվում են վարչապետի լիազորությունները, հնարավոր է և իսկապես Գալուստ Սահակյանն ու ՀՀԿ-ն «ազգովին չխնդրեն» Սերժ Սարգսյանին` վարչապետ դառնալ։ «Չնայած օրենք է` պահի տակ կարելի է ցանկացած փոփոխություն կատարել»,- ասաց հանդիպմանը մասնակցած իրավաբաններից մեկը»:

Մանրամասները՝ թերթի այսօրվա համարում