Յուրի Գագարինի մահվան իրական հանգամանքները

1968 թ. մարտի 27-ին Գագարինը մահացավ ավիավթարից։ Ավիավթարի պատճառները պարզելու համար ստեղծվել էր պետական հանձնաժողով։ Բայց պատասխանն այդպես էլ մնաց գաղտնի։ Դրա մանրամասները պարզ դարձան բավականին վերջերս՝ հանձնաժողովի հարցազրույցներից։ Հանձնաժողովի վերջնական եզրակացությունը հետևյալն էր.

«Օդային վարժությունների կատարման ժամանակ անձնակազմը սխալ գործողությունների արդյունքում դուրս էր եկել իր տիրույթից և համարյա ուղղահայաց դիրք էր ընդունել։ Չնայած օդաչուների ջանքերին, ովքեր փորձում էին ետ բերել ինքնաթիռը հորիզոնական դիրքի՝ ինքնաթիռը բախվեց գետնին և անձնակազմը մահացավ»։

Հետազոտությունների արդյունքում տեխնկական խնդիրներ առաջ չբերվեցին։ Իսկ դատաբժշկական փորձաքնությունների արդյունքում օդաչուների արյան մեջ ավելորդ տարրեր չհայտնաբերվեցին։ Մասնագետների հետազոտությունների արդյունքում պարզեց, որ կտրուկ շրջադարձի պատճառը եղել է ուրիշ ինքնաթիռի մոտեցումն ու կտրուկ շեղումը, նրանց հետագծերի հնարավոր համընկնումը։ Գտնվելով ամպամած տիրույթում՝ օդաչուները չէին տեսնում թռիչքի բարձրությունը։

Առաջնորդվելով ոչ հստակ տվյալներով՝ օդաչուները ենթադրում էին, որ կհասցնեն բարձրացնել ինքնաթիռը, բայց պահուստային բարձրությունը քիչ եղավ։ Ամպամած տիրույթից դուրս գալուց հետո, կատապուլտով թռնելու համար արդեն շատ ուշ էր։

2013 թ. Ալեքսեյ Լեոնովը հայտարարեց, որ այդ վարկածը ճիշտ է։