ՀՀԿ-ն Գանձասարում մեղքն էր լվանում
Լուսանկարը՝ Tert.am-ի
100 տարվա դադարից հետո Հայ Առաքելական եկեղեցիների խորանն ու նախասրահը կրկին կզարդարեն հայկական ձեռագործ գորգերը: Սուրբ Աթոռում ՀՀ դեսպան Միքայել Մինասյանի նախաձեռնած այս բարեգործական նախագծի մեկնարկը տրվեց հոկտեմբերի 23-ին Արցախի Գանձասարի վանքում:
Թվում է՝ այս հաղորդագրության մեջ, բացի դրական էներգիայից, այլ մոտիվացիա չկա, սակայն հիշենք, որ Գանձասարը վերականգնվել է բարերար Լևոն Հայրապետյանի միջոցներով․ գործարարի միջոցներով 2000-2002 թվականներին վերակառուցվել է հայկական հռչակավոր Գանձասարի վանական համալիրը (13-րդ դար), որը ներկայիս օրերում Ղարաբաղի ամենաբարեկարգված սրբավայրերից մեկն է համարվում։
Նա համարվում է ամենախոշոր ներդրողն Արցախի ժամանակակից պատմության մեջ։ Ջրամբար, ճանապարհներ, ենթակառուցվածքներ, բուսաբանական և կենդանաբանական այգի, գործարաններ, հյուրանոցային համալիր, հատկապես ռազմական ակադեմիան, որի հիմքերը գցվեցին 2012թ. Հայրապետյանի հայրենի Վանք գյուղում։
Ինչո՞ւ այս ամենը ներկայացվեց. քանի որ 2014 թ. հուլիսի 15-ին Մոսկվայի «Դոմոդեդովո» օդանավակայանում Լևոն Հայրապետյանին ձերբակալել էին, ուր նա ժամանել էր Մոնակոյից։ Եվ նա մահացավ Մորդովիայի բանտերից մեկում՝ օրեր առաջ։ Վերջին շրջանում հատկապես նրա առողջական վիճակը վատացել էր, նա քաղցկեղ ուներ, սակայն նրա փաստաբաններն այդպես էլ չկարողացան մեղմել հայ բարերարի խափանման միջոցը։
Ի դեպ, ՀՀ վերնախավից ոչ ոք ներկա չէր ո′չ հոգեհանգստյան, ո′չ թաղման արարողությանը։ Վերջերս էլ համացանցում կրկին հայտնվել է մի տեսանյութ, որտեղ Հայրապետյանը քննադատում է ՀՀ իշխանություններին ագահության և ընչաքաղցության համար, քննադատության էր ենթարկվում նաև ՀՀ նախագահ Սերժ Սարգսյանը։
Ի դեպ, ըստ տարածված տեսակետների՝ Լևոն Հայրապետյանին չէին սիրում, քանի որ նա մշտապես աչքի էր ընկնում իր քննադատական վերաբերմունքով և չէր պատկերացնում, թե ինչպես կարելի է հայրենիքի հաշվին փող աշխատել։
Լևոն Հայրապետյանի փաստաբանը կարծիք էր հայտնել, որ օրենքը, սովորաբար, բանտից ազատում է մահացու հիվանդությամբ տառապողին, իսկ Լևոն Հայրապետյանին մերժում էին՝ չնայած նա քաղցկեղ ուներ։ Նա վստահ էր, որ իր միջնորդությունների մերժումը պատվերի է նման, և բարերարի վախճանից հետո ՀՀ իշխանությունների անտարբերությունն ու հատկապես ՌԴ ամենավատ համբավ ունեցող բանտում պահվելը դրա վառ ապացույցն է։
Իսկ ի՞նչ է անում Միքայել Մինասյանը՝ ձեռագործ գորգեր նվիրելով հատկապես Լևոն Հայրապետյանի վերանորոգած եկեղեցուն. անտեղյակների համար նշենք, որ Մ․ Մինասյանը Սերժ Սարգսյանի փեսան է, նա փորձում է Գանձասարում լվանալ-մաքրել ՀՀԿ-ՀՀ իշխանության մեղքերը՝ աստվածահաճո գործ նախաձեռնելով։ Իհարկե, ենթատեքստում Լևոն Հայրապետյանն է․ փորձը փորձանք չէ։
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
