Աշխարհում միակ գործող կայսրը․ հետաքրքիր տեղեկություններ՝ Ակիհիտոյի մասին

Ակիհիտոն Խիրոխիտո կայսեր և Կոձյուն կայսրուհու ավագ որդին և հինգերորդ զավակն է։ Ներկայումս Ակիհիտոն հանդիսանում է աշխարհում միակ գործող կայսրը։ Նրա հետմահու անունը կլինի Խեյսեյ։

1988 թվականի սեպտեմբերին կայսր Խիրոխիտոյի հիվանդության պատճառով գահաժառանգ Ակիհիտոն ստանձնում է պետական մի շարք պարտականություններ, ներառյալ՝ պառլամենտի նիստի բացման արարողությունում մասնակցությունը։

1989 թվականի հունվարի 7-ին Ակիհիտոն դարձավ Ճապոնիայի կայսր՝ ճառանգելով գահը հոր մահվանից հետո։ Այդ օրվանից սկսվեց Խեյսեյի նոր ազգային ժամանակագրությունը։

Կայսեր կարգավիճակ ստանալուց երկու օր անց՝ առաջին հրապարակային ելույթի ժամանակ, կայսրը երդվեց անվերապահորեն կատարել իր առջև դրված պարտականություններն. «Երդվում եմ, որ միշտ կլինեմ իմ ժողովրդի կողքին և կպահպանեմ Սահմանադրությունը»,– հայտարարեց նա։

Ինչպես և իր հայրը, Ակիհիտո կայսրը նույնպես հետաքրքրված էր կենսաբանությամբ։ Արդեն հրապարակված են նրա 25 գիտական աշխատանքները՝ ծովային ցուլերի մասին։ 1986 թվականին նա ընտրվեց Լինեյի Լոնդոնյան Համաժողովում (կենսաբանների միջազգային համաժողով)։

Բացի այդ, Ակիհիտոն հետաքրքրված է պատմությամբ, սպորտաձևերից զբաղվում է թենիսով (ապագա կնոջ հետ ծանոթացել է թենիսի դաշտում), նրան ուրախություն է պարգևում նաև ձիավարությունը։