Ֆիլմ, որի դերասանները մահացան պրեմիրերայից մի քանի օր առաջ․ «Սատանա քշողը» (տեսանյութ)

«Սատանա քշողը» կամ «Դևեր հանողը» ֆիլմը նկարահանվել է 1973 թվականին, ռեժիսոր Ուիլյամ Ֆրիդկինի կողմից։ Ֆիլմի հիմքում Ուիլյամ Պիտեր Բլետտիի ստեղծագործությունն է։

Ֆիլմում նկարագրվում է 12-ամյա աղջկա միջից էկզորսիզմի (սատանայի հոգու դուրս հանելու) պատմություն։

Ֆիլմի համար հատուկ որպես տեխնիկական խորհրդատու հրավիրվել է հոգևորական Ջոն Նիկոլը, ով «Բռնվածություն սատանայից և էկզորցիզմ» գրքի հեղինակն է։

Չնայած նրան, որ ֆիլմն ունեցավ հաջողություններ ու քննադատության մեծ ալիք բարձրացրեց, այնուամենայնիվ, ֆիլմի նկարահանումները երբեմն-երբեմն ուղեկցվում էին տարօրինակություններով ու անբացատրելի անհաջողություններով։

Ռեժիսոր Ուիլյամ Ֆրիդկինը խնդրել էր ֆիլմի տեխնիկանան խորհրդատուներից մեկին՝ հոգևորական Թոմաս Բիմինգհեմին, նկարահանումների ժամանակ կատարել իրական էկզորսիզմի արարողություն, որովհետև նկարահումները հաճախ ուղեկցվում էին տարօրինակություններով ու անբացատրելի անհաջողություններով։ Հոգևորականը, սակայն,  հրաժարվել է՝ ասելով, որ դա միայն կավելացնի լարվածությունը կինոնկարահանման հրապարակում։ Մի անգամ այրվել էին ֆիլմի դեկորացիաները, իսկ հրդեհի պատճառներն այդպես էլ մնացել էին անհայտ։ Նկարահումների հետ կապ ունեցող 9 մարդ մահացել են։ Դերասաններ Ջեկ Մակ Գոուրանը և Վասիլիկի Միլիարոսը մահացել են ֆիլմի պրեմիրերայից մի քանի օր առաջ։

Հայտնի քարոզիչ, քրիստոնեական առաջնորդ Բիլլի Գրեհեմը հայտարարել է, որ որ ֆիլմի ժապավենների մեջ իրականում սատանայի հոգի է մտել։

Ֆիլմի պրեմիերաները 1973 թվականին ուղեկցվում էին կինոդիտողների զանգվածային ուշաթափություններով, նույնիսկ շատ կինոթատրոնների մոտ հերթապահում էին շտապօգնության մեքենաներ։