«ՀՀ-ում իշխանությունն անցնում է համասեռամոլներին». խանգարողները կենթարկվեն քրեական պատասխանատվության

Ոչ ոք իրավունք չունի համասեռամոլներին արգելել իրենց գործողությունները, ոչ ոք իրավունք չունի նրանց վիրավորել. սա ֆաշիզմի դրսևորում է:

Այսօր լրագրղոների հետ հանդիպմանն ասաց «Համահայկական ծնողական կոմիտե» ՀԿ հիմնադիր անդամ Լիա Ավետիսյանը: Նա «Հանուն ինքնիշխանության վերականգնման» նախաձեռնության հիմնադիր անդամ Հայկ Այվազյանի հետ միասին եկել էր հայտնելու քրեական օրենսգրքի նոր նախագծի մսին, որով ԼԳԲՏ համայնքին վերաբերող միջոցառումները՝ միասեռական ամուսնությունները, նրանց կողմից երեխաների որդեգրումը, գեյ-շքերթները խոչընդոտելու դեպքում քաղաքացիները կենթարկվեն քրեական պատասխանատվության։

Հայկ Այվազյանի խոսքով, այս օրենսգրքի ընդունման դեպքում հայ հասարակությունը օրենքով կենթարկվի ճնշումների փոքրամասնության կողմից։

«Միջազգային նորմերի տեսանկյունից խտրականության դրսևորում է համարվում միասեռ ամուսնությունները, միասեռականների կողմից երեխա որդեգրելու իրավունքը, ազատ հավաքներ անելու՝ գեյ-շքերթներ ասվածը, իրենց ապրելակերպը անարգել քարոզելու իրավունքը խոչընդոտելը։ Եթե այս օրենքն ընդունվի, ապա Հայաստանում այս բոլոր նշված իրավունքների խախտման դեպքում մարդիկ կենթարկվեն քրեական պատասխանատվության»,- նշեց Հայկ Այվազյանը։

Նրա դիտարկմամբ՝ սա ևս մեկ պարտադրանք է ԵՄ-ի կողմից։

«Սա լավագույն նվերն է մեր թշնամիներին, եթե նման իրավական «ականներ» ներդրվեն մեր պետությունում»,- ընդգծեց նա։

Լիա Ավետիսյանն նկատեց, որ այլևս ոչ ոք իրավունք չունի ոչինչ ասել համասեռականներին. «Իշխանությունն անցնում է իրենց, վե՛րջ։ Սա հեղաշրջման պլան է»,- ասաց նա։

Արդեն հրապարակվել է Քրեական օրենսգրքի նոր նախագիծ, որի 197-րդ հոդվածով նախատեսվում է քրեական պատիժ սահմանել խտրականության կիրառման համար։