Հերմինե Նաղդալյանն ու նրա ամուսինը շարունակում են մոլորեցնել իրենց կողմից թալանված բնակիչներին (ֆոտո, վիդեո)

Կառավարության դիմաց չեն դադարում իրենց խնդրով բողոքի ակցիա կազմակերպել «Նորաշեն 2007» սպառողական կոոպերատիվի գործունեությունից տուժած բնակիչները: Նրանք իրենց հետ բերել էին Հերմինե Նաղդալյանի ծաղրանկարով պաստառ՝ պահանջելով վերադարձել իրենց բնարականները:

karavarutyun akcia2

Նկատենք, որ այս պաստառների պատճառով դեռ ամիսներ առաջ կառավարության գործերի կառավարիչ և ԱԺ նախկին փոխնախագահ Հերմինե Նաղդալյանի ամուսին Դավիթ Բեգլարյանը նրանց «ապուշ» ու «էշ»էր անվանել:

karavarutyun akcia

Ակցիայի մասնակիցներից Արուսյակ Վանյանը NEWSPRESS.am-ի թղթակցին ասաց, որ իրենք մինչև վերջ պայքարելու են իրենց դեմ ուղղված թալանի դեմ, որը վերևներից է գալիս:

Մեկ այլ բնակիչ՝ Մելիք Շահինյանը, պատմեց, թե ինչպես են Հերմինե Նաղդալյանն ու իր ամուսինը խարդախությամբ սեփականացրել են իրենց բնակարանները:

Մանրամասները՝ NEWSPRESS.am-ի տեսանյութում

Հիշեցնենք, որ Երևանի Գևորգ Չաուշի փողոցում բազմաբնակարան շենք կառուցելու նպատակով «Նորաշեն 2007» սպառողական կոոպերատիվի ղեկավարությունը դեռևս 2007 թվականին գումարներ էր հավաքել շենքում բնակարան գնելու ցանկություն ունեցող անձանցից: Շատերն անգամ վճարել են բնակարանի ամբողջ գումարը:

Հայտնվելով ֆինանսական ծանր վիճակում՝ կառուցապատողներն սկսել են բնակարանները գրավադրել և տոկոսով գումարներ վերցնել: Բնակարաններից 14-ը գրավադրվել են ԱԺ փոխնախագահ Հերմինե Նաղդալյանի ու նրա ամուսնու՝ Դավիթ Բեգլարյանի, իսկ մնացածը՝ տարբեր անձանց մոտ: Մինչև այսօր բնակարանների մի մասը ամուսինները չեն վերադարձնում, իսկ բնակարանների սկզբնական գնորդները մնացել են անօթևան: