«Շուշիում դռները փակ են»․ բացառիկ լուսանկարներ

Շուշիում դռները փակ են։ Փակ են պատերազմ տեսած ու անկախության մեջ ապրող դռները։ Սակայն այդ դռների առաջ վազվզում են մանուկներն ու գնդակի պտույտի հետ մեկտեղ պտտում ժամանակը, իրար խառնում անցյալի հուշերը։ Ժամանակին այդ դռների դիմաց պատերազմ էր, ականների պայթյուն ու մահ։ Հայի ոգին կարողացավ հաղթել, կարողացավ դուրս գալ անելանելի վիճակից ու իր ժայռերի պես պաշտպանել մայր հողը։ Շուշիում դռները փակ են։ Այստեղ դեռ կա անցյալի հոգի, պատերազմից մնացած երանգ ու պատերազմին պատրաստ աչքեր։ Մանուկների հպարտ ու հզոր աչքեր, հայ մայրերի ուժեղ ու անկոտրում հայացք։ Մանուկները շարունակում են պտտել գնդակը, պտտել ժամանակն ու այդ պտույտով կբացեն փակ դռները, կբացեն անցյալի ոգով փակված դռները։ Միայն պետք է ապրել ու ժպտալ, խաղալ ու կառուցել։ Այդ խաղացող երեխաներն են, որ իրենց գնդակների պտույտով բացելու են բոլոր դռները։ Շուշիում դռները դեռ փակ են։