Մեր թշնամին մեր իշխանությունն է, թալանի փոխարեն՝ թող զենք առնեն. ազատամարտիկ (ֆոտո, վիդեո)

Արտաշատի Նորաշեն գյուղի բնակիչ Արսեն Ավետիսյանն ապրիլ ամսից սկսած՝ խաղաղ ցույցեր է կազմակերպում: Նրա նպատակն է համոզել իշխանությանը՝ Պաշտպանության բանակն ապահովել համապատասխան զինամթերքով:

Նրա ցույցերը, սակայն, հավանաբար սխալ տեսանկյունից են դիտվել: Արսեն Ավետիսյանի խոսքով՝ Արտաշատի ոստիկանապետ Արթուր Հովհաննիսյանն իր ձեռքից վերցրել է անձնական զենքը՝ պահանջելով, որպեսզի նա դադարեցնի բողոքի ակցիաները:

«Ես մասնակցել եմ ապրիլյան քառօրյային և նաև որսորդ եմ: Իմ ձեռքից զենքս վերցնում են. ինչի՞ համար»,-NEWSPRESS.am–ի հետ զրույցում ասում է Ավետիսյանը:

Նա նշում է նաև, որ բազմիցս իրեն բերման են ենթարկել և իր ձեռքից վերցրել են նաև այն պաստառները, որտեղ ինքը ներկայացրել է տարբեր զինատեսակներ:

Պաստառի վրա գծագրումներն ու զինատեսակների լուսանկարներն Արսենն ինքն էր արել՝ ցույց տալու համար, թե ինչպիսի զենք է Հայաստանին անհրաժեշտ՝ զինվորների անվտանգությունն ապահովելու համար:

«Էս զենքով մինչև Բաքու կհասնեինք: Ճիշտն էն ա, որ էս ժողովուրդը ոտքի կանգնի, թեկուզ առանց զենքի ու ոտքի տակ քաշի էս իշխանությանը: Մեր թշնամիները սրանք են»,-ասում է Արսեն Ավետիսյանը:

Մանրամասները՝ NEWSPRESS.am-ի տեսանյութում