Սա այլասերություն է, մե՛ղք են երեխեքը. Սատանայի հագուստով տրանսվեստիտը երեխաներին պատմում է գենդերային դերի մասին

Ֆեյսբուքյան օգտատերերից մեկն իր իջում տեղադրել է սատանայի հագուստով տրանսվեստիտի լուսանկար, որտեղ այդ անձը շփվում է երեխաների հետ: Օգտատերը նշել է, որ դեպքը տեղի է ունեցել 2017 թ․-ի հոկտեմբերի 14-ին՝ Կալիֆորնիայի Միշել Օբամայի գրադարանում:

«Երեխաների համար նախատեսված այլասերումների (LGBTQ) պատմության մեկամսյակի շրջանակներում, մի տրանսվեստիտ անձ սատանայի հագուստով երեխաներին պատմում է գենդերային դերերի մասին»,- գրել է օգտատերը:

Նկատենք, որ հիշյալ «տրանսվեստիտ սատանան» ևս իր լուսանկարը տեղադրել է Ինստագրամի իր էջում և ոգևորորությամբ նկարագրել, թե հիասքանչ օր էր այդ օրը, երբ ինքը կարդում էր երեխաների համար:

Իհարկե, հատկապես  հայ օգտատերերի կողմից այն գտել է համարժեք արձագանք:

«Ազգը կործանվում է, երբ աղճատում կամ ավերում են այդ երկրի կրոնը, մշակույթն ու ընտանեկան արժեքները… սա այլասերվածություն է»,- գրել է օգտատերերից մեկը:

Մեկ այլ օգտատեր էլ, ֆեյսբուքյան մեկնաբանությունների փոխարեն առաջարկել է դուրս գալ և պայքարել երևույթի դեմ, քանի դեռ այն չի ապականել մեր երկիրը:

«Պետք է սեփական ուժը ցուցադրելու համար կազմակերպել երթ՝ Երևանից դեպի Մայր Աթոռ՝ հստակ պահանջով՝ դեմն առնել արատավոր երևույթների և պարտադրանքների: ՖԲ կամ այլ սոցցանցում սեփական կարծիքն արտահայտելը ոչ մի օգուտ կամ իմաստ չունի՝ առանց գործ անելու: Հակառակ դեպքում դառնում է կատվին զանգ կախելու մասին հերթական հեքիաթ»,- գրել է նա:

«Մեղք են խեղճ երեխեքը… յուրաքանչյուր մեծահասակ իրավունք ունի իր սրտի ուզածի չափով զբաղվել ցնդաբանությամբ, բայց ո՞վ է նրանց իրավունք տվել կեղտոտել այս անմեղ ու մաքուր հոգիները: Այս փոքրիկները հավատում են ամեն մի խոսքի, որով իրենց կերակրում են»,-գրել է մի կին օգտատեր:

«Այս ուր ենք հասել, աշխարհի վերջն է… եթե շուտով օպերայի և բալետի թատրոնում ևս լեզբիներին միջոցառում կազմակերպեն՝ չզարմանաք»,-գրել է մի օգտատեր: Իսկ մեկ այլ օգտատեր պատասխանել է՝ «Այո… Աշխարհը մոտենում է իր վախճանին : Եվ վա՛յ նրան, ում թողտվությամբ կատարվում է այս ամենը»:

Հիշեցնենք, որ Եվրամիության պահանջով և պարտադրանքով ՀՀ արդարադատության նախարարությունը շրջանառության մեջ է դրել ՀՀ քրեական օրենսգրքի նոր նախագիծը, ըստ որի՝ 197-րդ հոդվածով քրեական պատիժ է սահմանվում բոլոր նրանց համար ովքեր Հայաստանում կփորձեն խոչընդոտել տարբեր այլասերումների դրսևորումներին ու քարոզին մեր կյանքի բոլոր ոլորտներում, այդ թվում նաև դպրոցներում։