Երբ անմոռաց ու հեքիաթային է յուրաքանչյուր օրը
Երևանի Քանաքեռ-Զեյթուն համայնքում գտնվող թիվ 150 մանկապարտեզում տոնական տրամադրություն է։ Հույզերն ու ուրախությունը միախառնված են. տարեվերջյան ավարտական հանդեսն է…
Արդեն ութ տարի է, ինչ մանկապարտեզը ղեկավարում է Լիա Մնացականյանը, և այդպես էլ չի կարողանում իր սիրելի փոքրիկներին հրաժեշտ տալ առանց հուզմունքի:
«Մանկապարտեզում ավարտական հանդեսը տարվա պատասխանատու պահն է, որին նախապատրաստվում է ամբողջ կոլեկտիվը։ Երեխաներին դպրոց ճանապարհելու արարողությունը փորձում ենք վերածել տոնի, ուրախության»,- ասում է Լիա Մնացականյանը։
Տիկին Մնացականյանը հավաստիացնում է, որ մանկապարտեզ հաճախող 125 երեխաների համար ստեղծված են բոլոր պայմանները: Նախորդ տարի վերանորոգվել է մանկապարտեզի շենքը, քաղաքապետարանը նոր գույք է տրամադրել՝ սառնարան, խոհանոցային պարագաներ։ Նրա կարծիքով, շատ կարևոր է, որ Երևանում այսօր մանկապարտեզներն անվճար են, քանի որ այդ որոշումից հետո շատ անապահով ընտանիքների երեխաներ նույնպես մանկապարտեզ հաճախելու հնարավորություն ստացան:
Այս փոքրիկ մանկապարտեզն ունի նաև իր գեղեցիկ այգին. «Եթե մի փոքր աջակցություն ունենանք, և այգում կարուսելներ ու ճոճանակներ տեղադրվեն, նաև լուծվի ոռոգման ջրի խնդիրը, երեխաների առօրյան ավելի լեցուն կլինի»,- ասում է տնօրենը։
Չնայած դրան՝ ծնողները հավաստիացնում են, որ մանկապարտեզի տնօրինության ու աշխատակազմի կողմից արվում է ամեն ինչ, որպեսզի երեխաների օրը հագեցած ու բովանդակալից լինի, իսկ որ ամենակարևորն է, ծնողները վստահ են, որ իրենց երեխաներն ապահով ձեռքերում են։ Նրանք այստեղ հայեցի դաստիարակություն են ստանում. հայկական երգ ու երաժշտություն, հեքիաթներ ու բանաստեղծություններ… Մի խոսքով, այս մանկապարտեզում դաստիարակության հիքում հայկական մշակույթն է: Անշուշտ, դրան մեծապես նպաստում է նաև հայոց լեզվի և գրականության մասնագետ տնօրենը։
Ամեն օր նախադպրոցական այս հաստատության անձնակազմը անչափ կարևոր ու պատասխանատու աշխատանք է կատարում. կրթում ու դաստիարակում է մեծ կյանքի ճանապարհին առաջին քայլերն անող փոքրիկներին։ Փորձառու, հմուտ դաստիարակների և ողջ անձնակազմի ջանքերով մանկապարտեզում անցկացրած ամեն մի օրը անմոռաց ու հեքիաթային է դառնում փոքրիկների համար։
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Գորիսի նախընտրական փակագծերը. Առուշանյանն ազատվում է ՔՊ-ից, իշխանականները «օրերն են հաշվում». «Փաստ»
Ծնողներին խաբել-տարել են «Կրթվելը նորաձեւ է»-ի հավաքին
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
COP17. Երևանում որ փողոցներն են փակ լինելու հոկտեմբերի 15-ին և 16-ին. ՆԳՆ-ի հորդորը
Մարզերի հարգելի՛ բնակիչներ, խցանումները թեթևացնելու ֆեյք հիմնավորման տակ, ձեզ արգելելու են մարզային ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
Սնանկացած նախկին թիկանապահը ուզում է Աբովյանի քաղաքապետ դառնալ․ «Ժողովուրդ»
