«168 ժամ». Հայաստանում հակառուսականության համար կան որոշակի պատճառներ

«168 ժամ» թերթը գրում է. «Համամիտ եմ ՀՀ նախագահի հետ, ինքս եւս երբեք որեւէ լուրջ տնտեսական հաշվարկ, փաստարկ չեմ լսել, թե ինչու պետք է Հայաստանը դադարեցնի անդամակցությունը ԵՏՄ-ին: Այդպիսի փաստարկներ իրականում կարելի է բերել: Այդ հաշվարկները չեն արվում, այլ պարզապես ուժերը, որոնք դեմ են Հայաստանի ԵՏՄ անդամակցությանը, առաջնորդվում են իրենց քաղաքական կողմնորոշմամբ, հակառուսականությամբ, եւ այլն, եւ այլն:

Հայաստանում հակառուսականության համար կան որոշակի պատճառներ, որոնք Ռուսաստանը ժամանակի ընթացքում փորձում է լուծել, բայց քաղաքականությունը բարդ արվեստ է. խնդիրները մեկ օրում չեն լուծվում, այդ խնդիրների կողքին մոռացվում է նույնիսկ այն դրականը, որը Հայաստանը ստանում է Ռուսաստանի հետ գործընկերության շնորհիվ` էժան սպառազինություն, էներգակիրներ, տնտեսական օգուտներ, բայց այս ամենը եկեք ԵՏՄ-ից զատ դիտարկենք, քանի որ ԵՏՄ-ն առանձին կառույց է, այն ունի իր զարգացման տեմպերը, եւ ժամանակը ցույց տվեց, որ լիովին պայմանավորված չէ Ռուսաստանի կամքով»,- «168 ժամ»-ի հետ զրույցում այս մասին ասել է ռուս տնտեսագետ Կոնստանտին Սիմոնովը՝ անդրադառնալով Հայաստանում ԵՏՄ-ից հնչող դժգոհություններին եւ իշխող ուժի փաստարկներին:

Նա նշել է, որ ԵՏՄ-ն նոր ձեւավորված տնտեսական կառույց է: Ըստ նրա, մինչ այս միության ձեւավորումը բազմիցս է քննարկվել, թե ինչ ուղի պետք է անցնի այս միությունը կայանալու համար»:

Մանրամասները՝ թերթի այսօրվա համարում: