Կոստանյանը բարձրացրել է «սապոնի դոզան»

Մեր երկրի նախկին գլխավոր դատախազ Գևորգ Կոստանյանն, ում այդքան էլ դուր չի գալիս այսօրվա պատգամավորի իր կարգավիճակը, հաճախ է այդ առումով նեղսրտում: Ամբիցիոզ և աթոռասեր գործչի նմանատիպ տապալումն, իհարկե, ցավոտ է: Յուղոտ պաշտոնի ակնկալիքով՝ Կոստանյանն անում է ամեն ինչ, որպեսզի գրավի նախագահականի ուշադրությունը:

Այդ տարբերակներից մեկն էլ քստմնելի հարցազրույցներ տալն է, որոնցում, որպես կանոն, «սապոնի դոզան» բավականին բարձր է:

Իր վերջին հարցազրույցներից մեկում Կոստանյանը, խոսելով տեսակետների մասին, որ վարչապետի հավանական թեկնածուն Սերժ Սարգսյանն է, նշել է, որ նկատի ունենալով Սերժ Սարգսյանի անցած ճանապարհը՝ Հայաստանի անկախության պահից սկսած և մինչև անկախությունը, անձնական, բարոյական, կառավարչական հմտությունները, ինքը կարծում է՝ եթե Սերժ Սարգսյանը դառնա ՀՀ վարչապետ, Հայաստանը դրանից շատ կշահի: Իսկ եթե Սերժ Սարգսյանը չդառնա վարչապետ, ապա Հայաստանը շատ բան կկորցնի»,- ասել է Կոստանյանը:

Նկատենք, որ նմանատիպ հարցազրույց դեռևս անգամ Խոսրով Հարությունյանը կամ Հայկ Բաբուխանյանը չեն տվել, անգամ նման գրառում չի արել երիտասարդ ու անդավաճան ՀՀԿ-ական Սմբատ Ղահրամանյանը, ով հայտնի է ֆեյսբուքյան իր էջում Սերժ Սարգսյանի նկարները կիսվելով և նրան որպես անփոխարինելի առաջնորդ համարող իր կերպարով, բայց Կոստանյանը հասցրեց դա անել, շտապեց, որպեսզի մեկ ոտք շուտ կարողանա իր անձի վրա ուշադրություն սևեռել:

Մի խոսքով՝ նախկին գլխավոր դատախազը, ով երազում է իր անվան հետ չկցվի այդ չարաբաստիկ նախկին բառը, պատրաստ է ամեն քայլի քնալ, միայն թե բավարարվեն ամբիցիաները:

NEWSPRESS.am