Թող Սասունն էթա, Հրազդանից տնական հավերը բերի, մեզ պատիվ տա. ո՞ւր ա ընդե ընդդիմություն

Գործը սենց խանգարել, սենց ընդհատել չի կարելի, չէ՞: 20 րոպե զա կայֆ, հա ի՞նչ, յանիմ ի՞նչ, չեն էլ մասնակցում քվեարկությանը, գոնե գան դեմ քվեարկեն, այսինքն` ի՞նչ ա նշանակում, գան բոյկոտե՞ն»:

Այսպես արձագանքեց Հանրապետական խմբակցության պատգամավոր Սեյրան Սարոյանը, «Ելք» դաշինքի 20 րոպեանոց ընդմիջումներին:

Նկատենք, որ 6 անգամ անընդմեջ դաշինքը, յուրաքանչյուր քվեարկությունից առաջ 20 րոպեանոց ընդմիջումներ վերցրեց:

«Մե հատ Նիկոլը հլը տես մեզ ինչ օրն ա գցե, սարքե կուռկուռի ձագ»,- նկատեց գեներալը:

Լրագրողների հարցին, թե ՀՀԿ-ն այսօր կրա՞կն է ընկել ընդդիմության ձեռքից, Սարոյանը պատասխանեց. «Տո չէ հա, ո՞ւր ա ընդե ընդդիմություն: Տո խի՞ ենք գերի, մեր գործն ա, մինչև վեցը պտի մնանք ստեղ… Իրանց ոչ մի բան էլ չի հաջողվել: Հաջողվա՞վ, դե տեսար, բան չեղավ, որ չանցնի: Սաղն էլ քվեարկեցինք անցավ, գնաց, ըհը: Հա Նիկոլը թող խոսա»:

Դիտարկմանը, թե հիմա ստիպված կլինեն ավելի երկար մնալ, Սարոյանը պատասխանեց. «Տո՛ միշտ էլ էսա, էլի, մենք գալիս ենք գործի, հավաքարարը դեռ եկած չի լինում»:

Ինչ վերաբերում է «Ելք» խմբակցության պատգամավոր Սասուն Միքայելյանի կատակով ասված խոսքին, թե տևական ժամանակ այսքան ընդմիջումներ իրար հետևից չէին եղել, և ՀՀԿ-ն պետք է դրա համար իրենց պատիվ տա, Սեյրան Սարոյանն արձագանքեց. «Հա կտանք, գրող կտանք: Իրանք թող մեզ պատիվ տան, իրանք վրդովվեն, մենք պատիվ տա՞նք: Ուրիշ բան՝ մենք արած ըլնեինք ,մենք կանեինք: Թող Սասունն էթա Հրազդանից տնական հավերը բերի, մեզ պատիվ տա»:

Իսկ լրագրողի հարցին, թե եթե պնդում են, որ կեղծիքներ չկան, ինչու է այնպես ստացվում, որ միշտ ՀՀԿ-ն է հաղթում, գեներալը պատասխանեց. «որովհետև լավն ենք, էհ էս հիվանդ հալիս, էլի ձեր հետ խոսում եմ»: