ՀԺ». Հայտնի օլիգարխ Ռուբեն Հայրապետյանը փորձում է տիրանալ Սարյանի պուրակին

«Հայկական ժամանակ» թերթը գրում է.

«Երևանի քաղաքի Սարյանի պուրակ կոչվող տարածքը հնարավոր է այլ վարձակալ ունենալ: 1996 թվականից «Կոլորիտ» ՍՊԸ-ն տարածքը վարձակալել է մինչև 2015 թվականը:

Արդեն 20 տարուց ավելի նկարների ցուցադրություն կազմակերպող հիմնադրամի նախագահ, «Կոլորիտ» ՍՊԸ-ի տնօրեն Նարինե Վարդանյանը բաց նամակ էր հրապարակել, որով ահազանգում էր, որ բաց երկնքի տակ գործող այդ թանգարանը, որը վաղուց դարձել է Երևանի այցեքարտերից մեկը, կարող է փակվել:

Երևանի քաղաքապետարանը հիմնադրամի հետ չի վերակնքում տարածքի տրամադրման պայմանագիրը: Վարդանյանը նաև ակնարկել էր, որ ինչ-որ մեկը աչք է դրել այդ տարածքի վրա:

«Հայկական ժամանակ»-ի տեղեկություններով, պուրակը վարձակալելու մտադրություն ունի Հայաստանի ֆուտբոլի ֆեդերացիայի նախագահ Ռուբեն Հայրապետյանը: Պուրակի վերջնամասում՝ Մոկովյան փողոցի և Բաղրամյան պողտայի հատման մասում տեղակայված երկհարկանի շինության առաջին հարկը պատկանում է Հայրապետյանին, սակայն ձևակերպված է մորաքրոջ որդու՝ ոմն Արայիկի անունով: Շենքի երկրորդ հարկը պատկանում է «Վիվարո» ընկերությանը: Երկհարկանի շինության ետնամասը Սարյանի պուրակի մեջ է գտնվում և շատ հարմար է դեպի պուրակ ընդլայնվելու համար: Որոշ տեղեկություններով, շինության առաջին հարկը տարիներ առաջ գրավադրված է եղել Ռուբեն Հայրապետյանին պատկանող «ADB» բանկում, որից հետո դարձել է Հայրապետյանի սեփականությունը»:

Մանրամասները՝ թերթի այսօրվա համարում