Ֆրանսիայի և Հայաստանի նախագահների հանդիպումը վերահաստատեց հայ-ֆրանսիական հարաբերությունների բարձր մակարդակը

Ֆրանսիայի և Հայաստանի նախագահներ՝ Էմանուել Մակրոնի և Սերժ Սարգսյանի հանդիպումը վերահաստատեց հայ-ֆրանսիական հարաբերությունների բարձր մակարդակը։

ՀՀԿ ԳՄ խորհդի նիստից հետո ՀՀԿ դիրքորոշումը վերահաստատեց ՀՀԿ խոսնակ Էդուարդ Շարմազանովը՝ լրագրողների հետ զրույցում։

Նա նշեց, որ Հայաստանը բոլոր ուղղություններով շարունակելու է նպաստել երկու երկրների հարաբերությունների զարգացմանը։

«Շատ կարևոր է, որ այս տարի հոկտեմբերին Հայաստանում առաջին անգամ տեղի է ունենալու Ֆրանկոֆոնիայի գագաթաժողովը։ Այդ ժամանակահատվածում Հայսատանը դառնում է աշխարհի քաղաքական կենտրոններից մեկը և սա նաև շատ լավ առիթ է ճանաչելի դարձնել Հայաստանն աշխարհին»,- նշեց Շարմազանովը։

Մինչ այդ, մայիսին, Հայաստան կայցելի Ֆրանսիայի արտաքին գործերի նախարարը։ Վերջինիս այցը Շարմազանովը կարևորում է, քանի որ Ֆրանսիան այն առաջին երկրներից է, որը ճանաչել է Հայաստանի հանրապետությունը:

Բարեկամական հարաբերություններ ունեցող երկրների շարքում, Էդուարդ Շարմազանովը նշում է նաև Իրանի իսլամական հանրապետությունը։ Նրա խոսքով, թեև Ադրբեջանը փորձում է կրոնական երանգ հաղորդել ԼՂ հակամարտությանը, սակայն իրանն այն երկիրն է, որը երբեք չմտավ այդ խաղի մեջ և այս հարցում պահեց իր հավասարակշռված դիրքորոշումը։

«Սա կարևոր է և մենք շատ ենք գնահատում։ Մյուս կողմից էլ Իրանի հետ հարաբերությունները կարևոր են ոչ միայնքաղաքական, այլև տնտեսական, սոցիալական և հումանիտար հարաբերությունների զարգացման առումով, որը պետք է շարունակենք»,- ընդգծեց Շարմազանովը