«Վիվառո»-ի փոխտնօրենն ու մենեջերները խաբում են հաճախորդներին՝ հենց Բադալյանների քթի տակ

Լուսանկարում՝ Վիգեն Բադալյանը

Վահե և Վիգեն Բադալյաններին պատկանող «Վիվառո» բուքմեյքերական ընկերության մենեջերները խաղում են ընկերության ու դրա անմիջական տերերի անվան հետ։

NEWSPRESS.am-ին ահազանգել են մի շարք քաղաքացիներ, ովքեր իրենց դժգոհությունն են հայտնել մասնավորապես Քանաքեռ-Զեյթուն, Ավան և Նոր-Նորք համայնքներում տեղակայված մոտ 20 խաղասրահում տիրող բարձիթողի վիճակից։

Բանն այն է, որ Բադալյանների հենց քթի տակ, ընկերության փոխտնօրեն Արթուր Հակոբյանի թողտվությամբ ու երևի թե նաև նրա բարձր հովանու ներքո, հիշյալ համայնքների խաղասրահների մենեջերները բառի բուն իմաստով վարկաբեկում են ընկերությանը։

Ավելի կոնկրետ՝ մեզ ահազանգող քաղաքացիները պատմել են մենեջերներից Վարդան Մարտիրոսյանի կամայականությունների մասին։

«Վարդանն իր սիրուհու՝ մենեջեր Ամալիկի հետ խաբում է հաճախորդներին։ Մականունն էլ «Ալավերդցի կթվորուհի» է, չե՞ք լսել նրա մասին․․․ ինքը փչացած հալով, իր աշխատողների անունն է գցում»,- պատմում է մեր զրուցակիցը, ով հասկանալի պատճառով չցանկացավ նշել իր անունը։ Նրա խոսքով՝ հիշյալ մենեջերները հաճախորդներին ակնարկում են իրենց իսկ աշխատողների թեթև վարքի մասին ու ասում, թե ոնց ուզեն՝ կարող են վարվել նրանց հետ։

Սա, իհարկե, չարիքի փոքրագույնն է։ Մենեջերները երբեք շահած գումարը չեն տալիս խաղացողներին։

«Տեսե՛ք, ես շահում են գումարը, փոխանցում եմ քարտիս, հետո մոտենում եմ կասսային, որ հանեմ, ասում են՝ կներեք, հիմա գումար չկա, ու այդպես ամեն անգամ։ Էդ դեռ հեչ։ Եթե կարգին մեծ գումար ենք շահում, մեզ վերադարձնում են մեր ներդրած դրույքաչափը, իսկ շահած գումարն ընդհանրապես չեն տալիս՝ պատճառաբանելով, թե նման պայմանավորվածություն կա»,- վրդովված ասաց մեր զրուցակիցը՝ միաժամանակ նշելով, որ իրենց դեպքում կանոնադրություններն ու պայմանավորվածությունները ոչ մի դեր չունեն։

Բանն այն է, որ ընկերության կանոնադրության համաձայն՝ մենեջերներն իրավունք չունեն խաղալու, մինչդեռ թե՛ Վարդան Մարտիրոսյանը, թե՛ նրա սիրուհի Ամալիկը միշտ էլ խաղում են։

Բացի այդ, ըստ մեզ ահազանգող քաղաքացիների, փոխտնօրեն Արթուր Հակոբյանը և Վարդանը նաև աշխատողներ են ընդունում, ովքեր պարտքեր են կուտակել ընկերության նկատմամբ և հեռացել։ Խոսքը միլիոնների մասին է։

Մի խոսքով՝ «Վիվառո»-ի փոխտնօրենը, Բագրատաշենի անցակետի նախկին պետ Վարդանն ու Ամալիկը կարգին «տժժցնում» են՝ հենց Բադալյանների քթի տակ։

Մեր ձեռքի տակ այս մասին կան էլի տեղեկություններ, որոնք NEWSPRESS․am-ը կներկայացնի հաջորդիվ։