Միհրան Պողոսյան, քեռի՞դ է բանան ներկրում

Հայաստանում քիչ թե շատ տեղեկացված յուրաքանչյուր քաղաքացու, թե հարցնեք բանանի մոնոպոլիան ո՞ւմ է պատկանում, կամ ո՞ւմն է բանան ներկրող հիմնական ընկերությունը, պատասխանը միանշանակ կլինի, իհարկե, շատերին հայտնի «Քեթրին գրուպն» է: Գրեթե ապացուցված փաստ է նաև այն, որ այդ ընկերությունը պատկանում է ցիտրուսային մրգերի մեծ սիրահար, նախկինում լավ փողոտ պաշտոնի նստած` ԴԱՀԿ պետ, բայց այսօր պատգամավոր Միհրան Պողոսյանին: Բացի այդ «Քեթրին» ընկերության հետևում որպես անվարան հզոր ուժ կանգնած է Միհրան Պողոսյանի քեռին՝ Ազգային անվտանգության ծառայության պետի նախկին տեղակալ Գրիշա Հարությունյանը: Հիշեցնենք նաև, որ Միհրան Պողոսյանը և իր քեռիները՝ Գրիգորի և Միխաիլ Հարությունյանները, խոր արմատներ են գցել օֆշորային գոտիներում:

Սակայն պատգամավորը փորձել է իր վրայից ցրել շրջանառվող խոսակցությունները, թե ինքն է Հայաստանում բանանի հիմնական ներկրողը:

Նա լրագրողների հետ զրույցում ասել է, թե հիացած է կառավարության աշխատանքով, որին հաջողվել է, ի թիվս այլ ճյուղերի, ազատականացնել նաև բանանի շուկան։ Նա դարձյալ շեշտել է, որ բանան ներկրող «Քեթրին գրուպի» հետ ինքը կապ չունի։

«Այսօրվա կառավարությունը բավականին մեծ մրցակցային դաշտ է ապահովել բազում ճյուղերում։ Եվ այդ բազում ճյուղերից մեկը ձեր վկայակոչած բանանի շուկան է։ Ես հիացած եմ, թե կառավարությունը ոնց կարողացավ ապամոնոպոլիզացնել շատ ճյուղեր, օրինակ՝ բանանի շուկան։ Կարծում եմ, որ դա լավ նախադրյալ է տնտեսության զարգացման համար»,- հայտարարել է Միհրան Պողոսյանը:

Սակայն մենք այն կարծիքին ենք, որ շուկայի ազատականացումը պարզապես օդ է, և Հայաստանում դեռ շարունակվում են առհասարակ բոլոր տիպի ցիտրուսային մրգերի շուկայի մոնոպոլիզացիան: Դրա վառ վկայությունը եղավ նաև այն, որ արհեստական խոչընդոտներով արգելվեց բանանի ներկրմամբ զբաղվող՝ Վահրամ Միրաքյանի բռնած բիզնեսը: Նա վարչապետի հորդորներից հետո, թե շուկան ազատականացվել է, փորձել էր բանան ներկրել Հայաստան. արդյունքում բերած բանանը արժանացել էր «կիսլատայի»: Բիզնեսմենը հայտարարություն տարածեց այն մասին, որ ազոտական թթու են լցրել բանան ներկրող ընկերություններից մեկի՝ «Տրոպիկա»-ին պատկանող սառնարանների ճնշակների վրա:

NEWSPRESS.am