«Վիվառո»-ի խարդախությունների մասին՝ մանրամասն. ինչու են ապարատներն անջատվում բոնուսի ժամանակ

NEWSPRESS.am-ն արդեն անդրադարձել է «Վիվառո» բուքմեյքերական ընկերության մենեջերների խարդախություններին։

Մասնավորապես, խոսքը Քանաքեռ-Զեյթուն, Ավան և Նոր-Նորք համայնքներում տեղակայված մոտ 20 խաղասրահում տիրող բարձիթողի վիճակի մասին է։

Հրապարակմանն առաջին արձագանքեցին հավանաբար խնդրով շահագրգռված անձանց ֆեյքերը, ովքեր մեր նյութի տակ թողնելով մեկնաբանություններ՝ գրել են, թե իբր իրենք հաճախ են խաղում այդ խաղասրահներում և ոչ մի խարդախություն չեն նկատել։ Իհարկե, չի բացառվում, որ դրանք հենց նույն այդ խարդախություններն իրականացնողներն են և փորձում են այդ կերպ տպավորություն ստեղծել, թե ամեն ինչ կարգին է։

Իրականում պատկերն այլ է։ Հարկ ենք համարում հիշեցնել՝ նախորդ հրապարակման մեջ արդեն նշել ենք, որ NEWSPRESS.am-ի ձեռքի տակ կան մեր հրապարակումը հաստատող շատ փաստեր։

Այս անգամ անդրադառնանք դրանցից մեկին։ Մասնավորապես՝ 29296071 համարի ID քարտի բաժանորդը պնդում է, որ պտտախաղի (ռուլետկա) ժամանակ, ամեն անգամ, երբ բոնուս են ստանում, ապարատն ավտոմատ անջատվում է… իբր պատահաբար։

Սա մեր իմացած այն շատ փոքրիկ մեջադեպերից մեկն է, որը շատ հաճախ տեղի է ունենում այդ կենտրոնում։

Իսկ հարցերի պատասխաններ պահանջողներին հորդորում ենք հետևել մեր հրապարակումներին և ստանալ բոլոր հարցերի պատասխանները, որոնք խոստանում ենք հաջորդիվ։