Հայաստանի գրողների միությունը վերածվել է բիզնես կենտրոնի (լուսանկարներ)
Հայաստանի գրողների միության ընտրությունները միշտ էլ անցնում են թեժ ու շատ հաճախ տեղի են ունենում բուռն վեճեր ու քննարկումներ։ Գրողների միության շենքը տրամաբանորեն պետք է ծառայի գրականությանը, սակայն վերջին մի քանի տարում մամուլում ու սոցիալական ցանցերում բուռն քննադատության է արժանանում միությունն ու միության գործելաոճը։ Այդ քննադատություններից պարզ է դառնում, որ ՀԳՄ-ում վիճակը ծանր է։ Շատ հաճախ մի շարք ժամանակակից գրողներ նշում են, որ Գրողների միության մասին խոսելն ավելորդ է, քանի որ այն դադարել է գոյություն ունենալ։
Հայաստանի գրողների միությունից «արտագաղթի» առաջին ալիքն սկսվեց 2013 թվականին, երբ մի շարք երիտասարդ գրողներ ու գրականագետներ միությունից դուրս գալու դիմում ներկայացրին։ 2015 թվականին ևս շարունակվեցին բուռն քննարկումները։ Այդ ժամանակ էլ բանաստեղծ, գրականագետ Աշոտ Գաբրիելյանը նշել էր, որ ՀԳՄ-ին անդամակցելն անիմաստ է դարձել` աբսուրդի հասնող անիմաստ: Հասկանալու համար, թե ինչո՞ւ է անիմաստ դարձել Գրողների միությանն անդամակցելը բավական է մեկ անգամ անցնել միության կողքով և հասկանալի կլինի, թե այնտեղ ի՞նչ է կատարվում։
ՀԳՄ-ի շենքի դիմաց գովազդային պաստառներ են, ու հետաքրքիրն այն է, որ դրանց մեջ բացակայում են գրողներին ու գրականությանը վերաբերող պաստառները։ Շենքի դիմաց փակցված է թարգմանչական կենտրոնի, փաստաբանական կենտրոնի, «Բոհեմ» թատրոնի, նոտարական թարգմանությունների, օտար լեզուների դասընթացների և այլն կազմակերպությունների գովազդային պաստառներ։ Նույն վիճակն է նաև շենքի ներսում, որտեղ նույնպես գովազդային պաստառներ են փակցված։
Փաստորեն, ստացվում է այնպես, որ Գրողների միության շենքը վերածվել է բիզնես կենտրոնի, որտեղ վարձով են տրվում տարածքներ։ Շենքում գործում են մի քանի գրական հանդեսներ, որոնք կազմում են շատ փոքր թիվ։ Շենքի 3-րդ հարկը գրեթե ամբողջությամբ տրված է վարձակալության և գործում են զանազան կազմակերպություններ։ Ավելորդ է խոսել նաև «Բոհեմ» թատրոնի մասին, որը վարձակալել է միության դահլիճը։
Իսկ շենքում գրողների, գրականագետների հանդիպելը դարձել է ուրախ երևույթ, քանի որ տարածքում միայն կենտրոնների աշխատակիցներն են։ Գրողների միության նպատակներից է նաև Հայաստանում գրականության զարգացմանը նպաստելը և օգնելը։ Այս համատեքստում պետք է նշել, որ կան մի շարք գրական-երիտասարդական խմբակներ, որտեղ ակտիվ գործունեություն են ծավալում ընթերցողները, երիտասարդ գրողներն ու ուսանողները։
Այդ խմբակներից շատերն ունեն տարածքի կարիք, սակայն չունեն բավականաչափ գումար, որ կարողանան վարձակալել տարածք Գրողների միությունում։ Գրական խմբակները գումար չունենալու պատճառով իրենց քննարկումներն անցկացնում են գրախանութներում, հարազատների տանը, իսկ գումար ունեցող բիզնես կենտրոնները վարձակալում են տարածք ՀԳՄ-ում ու զբաղվում բիզնեսով։
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
Մեղրիի մոտ գիշերվանից ԱԹՍ-ներով փնտրում են երեք ենթադրյալ шդրբեջшնցիների
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
