Գինու և կոնյակի արտադրության ծավալները Հայաստանում ավելացել են

2017 թվականի հունվար-դեկտեմբերին Հայաստանում արտադրվել է 30 010.6 հազար լիտր կոնյակ, 2016 թ-ի համեմատ կոնյակի արտադրության ծավալներն ավելացել են 39.4%-ով: Այս մասին տեղեկացնում է Ազգային վիճակագրական ծառայությունը։

2016թ-ին հանրապետությունում արտադրվել է 21 529.2 հազ. լիտր կոնյակ:

Ինչ վերաբերում է գինու արտադրությանը, ապա 2017 թվականին Հայաստանում արտադրվել է 8 852.5 հազար լիտր գինի, ինչը 2016 թվականի համեմատ աճել է 30 տոկոսով: 2016-ին հանրապետությունում արտադրվել է 2 490.8 հազար լիտր գինի:

Ավելացել է շամպայն-գինիների արտադրությունը՝ շուրջ 21.1%-ով` կազմելով 863.8 հազար լիտր: 2017-ին ավելացել են նաև գարեջրի արտադրության ծավալները: Այսպիսով, հանրապետությունում արտադրվել 20 453.6 հազար լիտր գարեջուր` 2016թ-ի համեմատ աճելով 10.3 %-ով:

Ազգային վիճակագրական ծառայության տվյալներով, օղու և օղու լիկյորի արտադրության ծավալները նվազել են։ 2017 թ-ին արտադրվել է 7 318.7 հազար լիտր օղի և օղու լիկյոր, ինչը 2016-ի համեմատ նվազել է 10.9%-ով:

2017-ին 27.1 տոկոսով նվազել են վիսկիի արտադրության ծավալները: