«Հրապարակ». Ի՞նչ կապ ունի Արմեն Սարգսյանը մասոնների հետ

«Հրապարակ» թերթը գրում է.

«ՀՀԿ խորհրդի անդամ, ԱՄԿ ակունքներից եկող, դիսիդենտ Վազգեն Կարախանյանը երեկ «Հրապարակին» տված հարցազրույցում «սենսացիոն» միտք էր հայտնել՝ չի բացառվում, որ Լոնդոնում երկար տարիներ ապրած ՀՀԿ նախագահի թեկնածու Արմեն Սարգսյանը կապ ունենա մասոնների հետ: Դա խոսում է ՀՀԿ-ում առկա ճեղվածքի, թևերի միջև նոր տարաձայնություն-անհամաձայնությունների մասի՞ն՝ հարցրինք ԱԺ փոխխոսնակ, ՀՀԿ խոսնակ Էդուարդ Շարմազանովին։ «Նախ` ՀՀԿ-ում որևէ ճեղքվածք, թևեր չեն եղել, չկան և չեն կարող լինել:

Պարոն Կարախանյանը մեր ավագ ընկերն է, որը մեծ լումա ունի և՛ ԱՄԿ, և՛ ՀՀԿ կայացման գործում։ Նախագահի թեկնածուի առաջադրման ժամանակ մենք քննարկել ենք տարբեր չափորոշիչներ, որոնց մեջ մասոնականությունը չէր մտնում, իսկ մեր թեկնածուն բոլոր չափանիշներով համապատասխանում էր Սահմանադրությանն ու մեր տեսլականին»: Դուք բացառո՞ւմ եք Արմեն Սարգսյանի մասոն լինելու հնարավորությունը: «Ես ո՞վ եմ, որ բացառեմ կամ չբացառեմ, ես իմ վերաբերմունքը մեր թեկնածուի նկատմամբ արտահայտել եմ իմ դրական քվեարկությամբ»:

Իսկ կարո՞ղ ենք կարծել, որ ՀՀԿ-ում թրենդ է փոխվում: «Երբե՛ք. ՀՀԿ-ում եղել և շարունակվում է ազգային-պահպանողական թրենդը»: Իսկ անձամբ Ձեզ համար մասոն լինելն ի՞նչ է՝ տաբո՞ւ է, վա՞տ է, լա՞վ է: «Ի տարբերություն շատերի, ես մասոնության մասին գիտելիքներ չունեմ»:

Մանրամասները՝ թերթի այսօրվա համարում