«ՀԺ». Ինչ ունեցվածքի տեր է «Սասնա ծռեր»-ի 11 անդամների գործը քննող դատավորը

«Հայկական ժամանակ» թերթը գրում է.

«Սասնա ծռեր» խմբի 11 անդամների գործը քննող դատավոր Արթուր Օհանյանը պատկառելի ունեցվածքի տեր է: Դա է վկայում բարձրաստիճան պաշտոնատար անձանց էթիկայի հանձնաժողով ներկայացրած նրա հայտարարագրի ուսումնասիրությունը:

Արթուր Օհանյանը 2016 թվականին 29 մլն դրամով վաճառել է բազմաբնակարան շենքում գտնվող իր բնակարանը: Նույն տարում դատավորը 46 մլն դրամ և 45 հազար ԱՄՆ դոլար փոխառություն է տվել:

Դատավորի դրամական միջոցները կազմել են 6 մլն դրամ և 5 հազար ԱՄՆ դոլար: Որպես եկամուտ նա հայտարարագրել է 49 մլն դրամ, որից 11 մլն-ը աշխատավարձն է կազմել: Բացի այդ, նա 9 մլն դրամի բնամթերքի տեսքով եկամուտ է ստացել:

Դատավորի կինը՝ Տաթևիկ Օհանյանը, հայտարարագրել է 32 հազար ԱՄՆ դոլար և 10 մլն դրամ դրամական միջոց: Նրա եկամուտները գոյացել են աշխատավարձից և նվիրատվություններից: Որպես աշխատավարձից ստացած եկամուտ դատավորի կինը նշել է 331 հազար դրամ, իսկ նվիրատվությունները հետևյալ տեքսն ունեն՝ 48 հազար 200 ռուբլի, 4 հազար եվրո և հազար ԱՄՆ դոլար:

Տաթևիկ Օհանյանը գումարի տեսքով նվերներ է ստացել նաև 2014-ին: Այդ ժամանակ 130 հազար ռուսական ռուբլի է նվեր ստացել»:

Մանրամասները՝ թերթի այսօրվա համարում