«Վիվառո»-ում կրքերը թեժանում են․ Բադալյանների քթի տակ կատարվող խաբեության նոր բացահայտումներ

Վահե և Վիգեն Բադալյաններին պատկանող «Վիվառո» բուքմեյքերական ընկերությունում կրքերը թեժանում են։ Մասնավորապես խոսքը Քանաքեռ-Զեյթուն, Ավան և Նոր-Նորք համայնքներում տեղակայված մոտ 20 խաղասրահում տիրող բարձիթողի վիճակի մասին է։

NEWSPRESS.am-ի տեղեկություններով՝ խաղասրահներում տիրող անկարգությունների մասին մեր հրապարակումը մտահոգության տեղիք է տվել ընկերության հիշյալ խաղասրահների մենեջերների շրջանում։

Մասնավորապես մենեջեր Ամալիկը՝ «Ալավերդցի կթվորուհի» մականունով, ով, ըստ լուրերի, հանդիսանում է նաև մենեջեր Վարդան Մարտիրոսյանի սիրուհին, նեղ շրջապատում խոսել է մեր հրապարակման մասին ու հայտարարել, թե իբր դա իրենց համար ոչ մի եղանակ չի փոխում՝

«վերևներում կասենք՝ հրապարակումը կհանեն»։

Նախ, անկեղծ լինելու համար պետք է նկատել, որ եթե հրապարակումն իսկապես իրենց համար լուրջ նշանակություն չունի, ապա ինչո՞ւ է տվյալ տիկինը շահագրգռված այն հանելու հարցում։ Մյուս կողմից էլ հարց է առաջանում, թե վերևներ ասելով կոնկրետ ո՞ւմ նկատի ունի նա՝ Բադալյանների՞ն, թե՞ իրականում ամեն ինչ կատարվում է Բադալյանների աչքից հեռու և նրանք մտավախություն ունեն, որ ամեն ինչ բացահայտվելու դեպքում, խարդախություններով զբաղվող իրենց «ոհմակը» դուրս կշպրտվի «Վիվառո»-ից։

Ինչևէ․ քանի որ մենք արդեն նշել ենք, որ փոխտնօրեն Արթուր Հակոբյանի և մենեջերներ Վարդան Մարտիրոսյանի ու նրա սիրուհի Ամալիկի խաբեությունների մասին կան էլի տվյալներ, որոնք դեռ կներկայացնենք, ուստի հարկ ենք համարում թվարկել դրանցից ևս մի քանիսը։

Ըստ մեր լուրերի՝ Արթուր Հակոբյանի ընկերը՝ Ռոբը, «Վիվառո»-ի մենեջեր է դարձել հենց Արթուրի թողտվությամբ ու հենց նրա իմացությամբ էլ սկսկել է խաղալ ընկերությունում ու պարտքեր կուտակել։ Մինչդեռ, ինչպես արդեն նշել ենք, ներքին կանոնակարգի համաձայն, մենեջերներն իրավունք չունեն խաղալու։

Բայց դա իր հերթին․ Ռոբը հասցրել է 15 մլն-ի պարտք կուտակել։ Այս պարտքը կուտակվել է աստիճանաբար, ու թեև Արթուրն իմացել է նրա պարտքերի մասին, բայց թույլ է տվել, որ Ռոբը շարունակի խաղալ։ Այսօր Ռոբը երկրում չէ։ Ասում են՝ նա «Վիվառո»-ի վզին է թողել պարտքերն ու հեռացել երկրից, իբր այն մաս-մաս փակելու խոստումով։ Բայց տարին լրանում է, իսկ Ռոբը չկա, կա միայն նրա պարտքը։

Նման ճակատագիր է ունեցել նաև ոմն Հերմինեի կուտակած 6 մլն պարտքը, որը ևս գրվել է սառույցին։ Շրջանառվող լուրերի համաձայն՝ Հերմինեն եղել է Արթուրի սիրուհին, ինչի շնորհիվ էլ ստացել է մենեջերի պաշտոնն ու խաղադրույքներ կատարել՝ անընդհատ պարտվելով։ Նրանից ևս այսօր լուր չկա՝ Հայաստանում չէ։

Մեր տեղեկությունների համաձայն, Արթուրի սիրուհիներից հաջորդը Էլիանոռան էր, որ դարձավ մենեջեր և սկսեց դարձյալ պարտքեր կուտակել։ Իսկ «ամենաթարմ»-ը՝ Լուսինեն է, ով 4 տարի աշխատել է դրամարկղի մոտ և դարձել մենեջեր՝ շնոհիվ Արթուրի։ Կարճ ասած՝ ասում են, թե այս տարածքում մենեջեր են դառնում Արթուրի «թևի տակով» անցելով։

Լուսինեն ևս խաղամոլ է։ Այդ մասին նա ինքն էլ երբեք չի թաքցրել։ Ասում են՝ նա նույնիսկ հիմարաբար գլուխ է գովել, թե

«խաղում եմ՝ լավ եմ անում, բոլորն էլ գիտեն, որ խաղում եմ։ Ես Վարդանի ու Ամալիկի մոտիկն եմ, ինձ ոչ ոք ոչինչ չի կարող ասել»։

Հարկ է նկատել նաև, որ Վարդանն ու Ամալիկն էլ խաղում են Նոր-Նորքի 7-րդ զանգվածում տեղեկայված խաղասրահներից մեկում, որտեղ, մեր տեղեկություններով՝ տեսախցիկները հարմարեցված են այնպես, որ միայն իրենք հետևեն խաղասրահում տիրող իրավիճակին։ Իսկ քանի որ նման զգուշավորություն կա, ուրեմ չի բացառվում, որ այնուամենայնիվ խաբեությունն իսկապես տեղի է ունենում Բադալյանների քթի տակ՝ առանց նրանց գիտության։

Ամեն դեպքում հարկ ենք համարում նկատել նաև, որ NEWSPRESS․am-ը, ինչպես ասում են, իր ոչ բոլոր խաղաքարտերն է բացել, ու դեռ կան տվյալներ, որոնց հրապարակմամբ կբացահայտվեն խաղասրահի մենեջերների խարդախությունների ու կամայականությունների նոր արկածները։

Շարունակությունը՝ հաջորդիվ։

Կարդացեք նաև՝