«Կրոկոդիլ Գենան, Չիբուռաշկան, Չիպոլինոն, որ մուլտիկն էլ նայեք` ոնց որ մեր կառավարության մասին լինի»․ օդաչու (տեսանյութ)

«Մի լավ խոսք կա, ասում է՝ հույսը վերջինն է մեռնում, հիմա ես ուզում եմ հավատալ, որ ավելի շուտ ես կմեռնեմ, քան հույսը, որ մեզ կփոխհատուցեն»,-NEWSPRESS.am-ի հետ զրույցում ասաց «Հայկական ավիաուղիներ» ընկերության վետերան օդաչուներից Միշան:

Նա հաշմանդամություն է ձեռք բերել աշխատանքի ընթացքում և բուժման կարիք ունի: Ավելի քան 10 տարի փոխհատուցում պահանջող իր գործընկերների հետ նա էլ գալիս է կառավարության շենքի մոտ՝ պատկան մարմիններին նեկայացնելու իրենց խնդիրը ու բոլորի նման մնում անպատասխան:

Նա նշում է, որ էլ հավատալու տեղ չեն թողել, գոնե ինքն անձամբ ոչ մի վա-րչապետի չի հավատում:

«Ճառ ասող են, զանգ կախող չկա: Ես միշտ ասել եմ՝ կառավարությունը շատ նման է սովետական շրջանի ցանկացած մուլտֆիլմի. Կրոկոդիլ Գենան, Չիբուռաշկան, Չիպոլինոն, որ մուլտիկն էլ նայեք, ոնց որ մեր կառավարության մասին լինի»,-ասում է օդաչուն:

Նա հիշում է՝ ինչպես նախկին վարչապետ Հովիկ Աբրահամյանին ասել է, թե գոնե խոսք չտար, որ կօգներ:

«Ինչ-որ բան խոստացող տղամարդը յուբկա չի հանգնում: Ասաց՝ մարտից կստանաք, ու այդպես էլ չեղավ… եթե խոսքիդ տերը չես, ուրեմն չես կարող ասել, որ տղամարդ ես»,-նշում է մեր զրուցակիցը:

Նա նաև նկատում է, որ իրենց կողմից առաջարկ է եղել սառեցնել մինչ օրս կուտակված գումարներն ու ինչ-որ մի օրից սկսեն վճարել, սակայն ոչ մեկն ընդառաջ չի գնում:

Ըստ նրա՝ մի մարդ, որ գործից չի հասկանում, չպետք է զուր պաշտոն զբաղեցնի:

«Մենք ուզվոր չենք, մենք պահանջում ենք այն, ինչ օրենքով է հասնում»:

Մանրամասները՝ տեսանյութում