Դաշնակցությունն ամեն գնով մնալու է կոալիցիայում

Հայ հեղափոխական Դաշնակցությունը կոալիցիայից դուրս չի գործել, գործել է կոալիցիոն հուշագրով նախատեսված բոլոր պայմանավորվածությունների համաձայն: Այսօր ԱԺ-ում լրագրողների հետ զրույցում այս մասին ասել է ԱԺ Դաշնակցություն խմբակցության ղեկավար Արմեն Ռուստամյանը։

Դաշնակցական պատգամավորը միաժամանակ ընդգծել է, որ ռեյտինգային ընտրակարգի շուրջ ՀՀԿ-ի հետ տարակարծությունը կոալիցիոն հարաբերությունները վերանայելու պատճառ չեն։

Սա նշանակում է, որ Դաշնակցությունը մտադիր չէ կոալիցիայից դուրս գալ, ավելին այս կուսակցությանը ոչ ոք չի կարող տեղաշարժ անել իշխանությունից: Տարիներ շարունակ Դաշնակցությունը իշխանության է ձգտել և այժմ էլ երբ այդ իշխանության մի օղակն է, ամուր կառչել է շղթայից:

Հիշեցնենք, որ մեկ անգամ արդեն Դաշնակցությունը նման դառը փորձ ունեցել է, երբ հրաժարվել է կոալիցիոն հարաբերություններից ՀՀԿ-ի հետ և մնացել անպաշտոն և գրեթե ընդդիմութուն, որն այլևս, ինչպես երևում է, չի կրկնվի:

Կուսակցությունն անհանգստանալու և անհանգստացնելու բան չունի, թող անհանգստանան այն կուսակցույությունները, ովքեր ցանկանում են դաշնակցությանը տեսնել ընդդիմության շարքերում, երազում կտեսնեն, վերջացել է Դաշնակության ընդդիմություն լիմիտը, սպառվել է:

Ավելին, դաշնակցությունը մտադիր է կոալիցիոն հուշագրով նախատեսված բոլոր կետերն իրականանցել և կատարելագործել:

Իսկ ինչ վերաբերում է ռեյտինգային ընտարկարգի շուրջ առաջացած տարաձայնությանը, ապա Դաշնակցությունը մտադիր է կատարելագործել Ընտրական օրենսգիրքը, այն է՝ կատարելագործումը ենթադրում է, որ այն, ինչ կա Դաշնակցությանը չի բավարարում՝ չի բավարարում նաև Հանրապետականին։

Պարզվում է Դաշնակցությունը կողմ է ընտրակարգի դասական ձևերին և ցանկացած շեղում և նորարություն միշտ պրոբլեմ է առաջացնում: ՀՅԴ-ականները համոզված են, որ պետք է մեկ անգամ փորձարկվի, որից հետո պարզ կլինի Դաշնակցությունն է ճիշտ, թե Հանրապետականը:

Իսկ ընտրության ռեյտինգային ձևը, որ Հայաստանում գործում է, շեղում է համամսնական ընտրակարգից, որին դեմ են:

Սակայն որքան էլ դեմ լինեն ընտրության ռեյտինգային ձևին, որը չգիտես ինչու, Դաշնակցության սրտով չէ, այնուամենայնիվ դա հիմք չէ կոալիցիայից դուրս գալու համար: Հազիվ մտել են կոալիցա և իշխանություն ունեն, նման սխալ այլև Դաշնակցությունը չի գործի: