Արտա՛կ Զաքարյան, Դուք չեք ծառայել, ա՛յ, եթե ծառայեիք, կհասկանայիք, թե ես ինչ եմ զգում․ զոհված զինվորի մայր (տեսանյութ)

Իրինա Ղազարյանի որդին՝ զինծառայող Արթուր Ղազարյանը, զոհվել է խաղաղ պայմաններում։ Մայրը պատմում է, որ տղային 2010թ. դեկտեմբերի 17-ին Հադրութի զորամասից բերել են սպանված:

«Բժիշկները խաբեցին, ասեցին, թե գլխին ուռուցք կար ու իբր բացել են գլուխը, որ հանեն ուռուցքը»,-NEWSPRESS.am-ի հետ զրույցում ասում է Իրինա Ղազարյանը՝ հերթական անգամ հայտարարելով, որ իր որդին գլխին հարված է ստացել։

Նա նաև նշում է, որ դատախազությունում գործի առթիվ իրենից նոր ապացույցներ են պահանջել։

«Չեմ հասկանում՝ ինչ ապացույց են ուզում․ ես իրենց վկայի տեղն եմ ցույց տալիս, ով ասել է, որ իմ տղային սպանել են, դրանից ավելի ի՞նչ ապացույց են ուզում։ Ուզում են, որ այդ տղային ե՞ս հարցաքննեմ»,-ասում է սրտնեղած մայրը։

Նա նաև նշեց, թե ինչպես ՊՆ փոխնախարար Արտակ Զաքարյանը, ով ինչպես և նախարար Վիգեն Սարգսյանը, բանակում չի ծառայել, փորձել է համոզել իրեն, որ հարցը կլուծեն, միայն թե ինքը չշարունակի բողոքի ակցիան։

«Չեմ հասկանում՝ դուք հոգեբա՞ն եք, թե՞ ՊՆ փոխնախարար, պարո՛ն Զաքարյան, Դուք էլ չեք ծառայել, ա՛յ, եթե ծառայեիք, կհասկանայիք, թե ես ինչ եմ զգում։ Դուք Ձեր տեղում չեք, Ձեզնից ավելի լավ հոգեբան կլիներ, որ մարդկանց կարողանայիք շեղել։ Ինձ ասում է՝ Դուք ինչի՞ եք եկել, չե՞մ ասել՝ չգաք։ Դո՞ւք պետք է որոշեք՝ ես իմ տղայի սպանությունը բացահայտելու համար պայքարե՞մ, թե՞ ոչ։ Ես Արթուր Ղազարյանի մայրն եմ ու ես մինչև իմ վերջին շունչը պետք է պայքարեմ՝ սպանության բացահատման համար»,-նշեց կինը։

Մանրամասները՝ NEWSPRESS.am-ի տեսանյութերում