«ՀԺ». Աղմկոտ պատմություն. Հովիկ Աբրահամյանի անվան հետ կապվող ՍՊԸ-ի պատճառով դատական պրոցես կսկսվի

«Հայկական ժամանակ. թերթը գրում է.

«ՀՀ նախկին վարչապետ Հովիկ Աբրահամյանի անվան հետ կապվող ուղևորափոխադրում իրականացնող «Լիգա» ընկերությունը մրցակցությունից դուրս է թողել «Գալակտիկա տրանս սերվիս» ընկերությանը:

Երկու ընկերությունն էլ տրանսպորտի, կապի և տեղեկատվական տեխնոլոգիաների նախարարության հայտարարած մրցույթներին մասնակցել են տարիներ առաջ, հաղթող են ճանաչվել և հանդիսանում են Երևան-Արտաշատ երթուղու շահագործողները: Առաջինը սպասարկում է «452» համարի երթուղին, երկրորդը՝ «451» համարը:

Ինչպե՞ս է նախկին վարչապետի անվան հետ կապվող ընկերությունը «սպանում» մրցակցին, ի՞նչ մեթոդներ են կիրառվում, «Հայկական ժամանակ»-ին պատմել է «Գալակտիկա տրանս սերվիս» ընկերության ներկայացուցիչ Վարդան Հակոբջանյանը:

Նա ասել է, որ «Լիգա»-ն թույլ չի տալիս, որ «Գալակտիկա տրանս սերվիս»-ի մեքենաները մտնեն Արտաշատի ավտոկայան:

«Գալակտիկա տրանս սերվիս» ՍՊԸ-ի տնօրեն Շուշանիկ Խաչատրյանը դիմել է «Հայավոտկայան» ՓԲԸ-ի ղեկավարին և պահանջել է նոր չվացուցակ տրամադրել, սակայն մերժվել է: Դրանից հետո խնդրել է, որ Արտաշատի ավտոկայանի տարածքի տաքսիները և այլ մեքենաները հանեն, որ «452» համարի երթուղայինները կարողանան մտնել ավտոկայան: Ապի դիմել է նախարար Վահան Մարտիրոսյանին, սակայն որևէ պատասխան չեն ստացել:

Առաջիկայում այս հարցով լուրջ ու թեժ զարգացումներ են սպասվում՝ ընդհուպ մինչև դատական ատյաններում»:

Մանրամասները՝ թերթի այսօրվա համարում