Հենրիխ Մխիթարյանը կպայքարի Ջենարո Գատուզոյի մարտիկների դեմ․ «Արսենալը» կհանդիպի «Միլանի» հետ

Կայացավ Եվրոպա Լիգայի խաղարկությունը, որի ժամանակ պարզ դարձավ, թե 1/8-րդ եզրափակչում ինչ զույգեր են կազմվել։ Ֆուտբոլային վերլուծաբանները նշում են, որ այս տարվա Եվրոպա լիգան ուժեղագույններից է, քանի որ մրցաշարին մասնակցում են «Միլանը», «Արսենալը», «Աթլետիկո Մադրիդը», «Լացիոն», «Մարսելն» ու «Բորուսիա Դորտմունդը»։

Վիճակահանությամբ պարզ դարձավ, որ Լոնդոնի «Արսենալի» մրցակիցը կլինի իտալական «Միլանը»։ Փաստացի կազմվեց ամենաուժեղ զույգը։ «Արսենալի» համար շատ բարդ կլինի, քանի որ Ջենարո Գատուզոյի՝ գլխավոր մարզիչ դառնալուց հետո «Միլանը» ցուցադրում է ֆանտաստիկ ֆուտբոլ։ Թիմը, բոլոր մրցաշարերում միասին, վերջին 11 խաղում անպարտելի է։ Բացի այդ, իտալացիներն ունեն շատ հզոր պաշտպանություն և ուժեղ հարձակվողական գիծ։

«Արսենալի» համար շատ բարդ կլինի, քանի որ թիմը գտնվում է անկումային շրջանում և պաշտպանությունում ունի շատ լուրջ խնդիրներ։ Մյուս կողմից՝ նրանք հանդիպելու են իտալական թիմի իտալական պաշտպանությանը (Բոնուչի, Ռոմանյոլի), որը մրցաշրջանի երկրորդ մասում ուղղակի հանդես էլ գալիս փայլուն։

«Միլանի» համար նույնպես շատ բարդ կլինի, քանի որ «Արսենալում» կան հրաշալի կատարողներ, ովքեր կարող են ճեղքել ցանկացած պաշտպանություն։

Փաստացի կարելի է նշել, որ այս զույգի հանդիպումը կենտրոնական կլիներ նաև այն դեպքում, եթե նրանք հանդիպեին Չեմպիոնների լիգայում։ Այս դիմակայությունից շահելու են թիմերից մեկն ու ֆուտբոլասերները, ովքեր կտեսնեն արագ, դինամիկ ու հրաշալի ֆուտբոլ։

Հավելենք նաև, որ թիմերի միջև առաջին հանդիպումը կկայանա մարտի 8-ին։

NEWSPRESS.am Sport