Նոր տեխնիկայով և հետաքրքիր մոտեցմամբ. Արարատ Մինասյանի և Զաքար Դեմիրճյանի ցուցահանդեսը ՆԱՄ-ում (ֆոտո)
«Նարեկացի» արվեստի միությունում ցուցադրվեցին Արարատ Մինասյանի և Զաքար Դեմիրճյանի աշխատանքները` ստեղծված «Զանգակ» հրատարակչության «Երևան. ճեպանկարների գիրք» նախագծի շրջանակներում:
Ցուցահանդեսը կրում էր «Երևան» խորագիրը, որի ժամանակ երիտասարդ նկարիչները ներկայացրին նաև նոր, դեռ չցուցադրված աշխատանքները:
-Արարատի նոր ստեղծագործությունները և Զաքարի այս մոնո պաստառները, քաղաքի դրական փոփոխություններն ու տղաների որսացող հայացքները գրքի վերահրատարակման անհրաժեշտություն են ստեղծում… Շնորհակալ ենք «Նարեկացի» արվեստի միությանը նման առաջարկի և արդյունավետ աշխատանքի համար,- բացման խոսքով հանդես եկավ «Զանգակ» հրատարակչության գործադիր տնօրեն Էմին Մկրտչյանը:
Միջոցառմանը ներկայացվեց հարուստ պատմությամբ, ինքնատիպ կոլորիտով, տեսարժան վայրերով և հետաքրքիր ճարտարապետական լուծումներով հագեցած մայրաքաղաք Երևանը միանգամայն այլ դիտանկյունից։
Արարատ Մինասյանի և Զաքար Դեմիրճյանի ստեղծագործությունները ներկաներին փոխանցեցին հարազատ քաղաքի բազմազան անցյալն ու աշխույժ ներկան:
-Միության այս առաջարկը մեզ նոր գաղափարներ իրականացնելու մոտիվացիա տվեց: Գրքի վրա աշխատելու ամբողջ ընթացքում ես և Զաքը «կռվում» էինք թվային դաշտում և թղթով ու մատիտով ստեղծագործելու տարբերության համար. մենք վստահ ենք, որ երկրորդ դեպքում նկարչից էներգետիկ դաշտ է փոխանցվում նկարին` չնայած մենք երկու տարբերակով էլ աշխատել ենք,- իր խոսքում նշեց Արարատ Մինասյանը, իսկ Զաքար Դեմիրճյանն ավելացրեց, որ եթե ցուցահանդեսի առաջարկով զանգը չլիներ, ապա երևի թե նոր տեխնիկայով ստեղծված պաստառները չլինեին:
Տղաներն իրենց բնորոշ ակտիվությամբ ներկայացրին ստեղծագործություններն ու դրանց ստեղծման գաղտնիքները, իսկ հանդիսատեսը ներկա գտնվեց ևս մեկ գեղեցիկ ցուցահանդեսի՝ նվիրված Երևանին:
Նշենք, որ 2017 թվականին «Զանգակ» հրատարակչությունը ներկայացրեց մի հետաքրքիր նախագիծ, ըստ որի՝ երիտասարդ նկարիչներ Արարատ Մինասյանի և Զաքար Դեմիրճյանի յուրօրինակ գործերի հիման վրա հրատարակվեց գիրք, որտեղ թեթև ուրվագծերով, երբեմն էլ թանձր վրձնահարվածներով զետեղված պատկերներն ընթերցողներին ծանոթացնում են հին և նոր Երևանին:
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Շահումյանցի Ժիրոն ու նրա «կլանը»՝ կրկին մեղադրյալի աթոռին. «Հրապարակ»
Պաշտոնանկություններ ՀՀ էկոնոմիկայի նախարարությունում. ArmLur.am
Ներիշխանական խմորումներ. ում են «քցել» և ում են դեռ «քցելու» ՔՊ-ականները՝ Փաշինյանի հրահանգով. «Հրապ...
Լարված իրավիճակ նիստին. Սուտ չեմ խոսում, տղամարդավարի խոսք տվեցիք, ձեր խոսքին տեր չկանգնեցիք
Իրանը հարվածել է Հորդանանում գտնվող ամերիկյան Ալ-Ազրաք ռազմաբազային
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
