F**k ժողովրդին՝ Արմեն Սարգսյանի կողմից

Քչերը գիտեն, բայց հաղորդակցման ժամանակ ամենամեծ դերը ոչ վերբալ հաղորդակցության էլեմենտներն են կազմում, որը կոչվում է նաև «մարմնի լեզու»։ Եթե ճիշտ իմանաս տարբեր ժեստերի և դիրքերի հավանական նշանակությունը, կարելի է դիմացինից ստանալ շատ ավելի շատ տեղեկություն, քան անգամ ինքն է ցանկանում տալ։

Աշխարհում ընդունված է հատկապես լիդերների ժեստերը վերլուծել և գնահատական տալ քաղաքական գործչի հոգեբանական վարքագծին:

Օրինակ՝ անկեղծության մասին է վկայում, երբ գործիչները միմյանց հետ զրուցում են ձեռքերի ափերը լայն բացած կամ անվստահության նշան է համարվում, երբ ձեռքերը խաչված են և մի ձեռքը բռնված է մյուսով, պաշտպանվելու ցանկություն է վկայում կծկվածությունը, տագնապի զգացում է, երբ խոսքի ընթացքում հաճախակի թարթում են աչքերը:

Մի խոսքով՝ բավականին մեծ է ժեստերի լեզուն և իրապես բարդ գիտություն է համարվում, պարզապես կան հասարակության մեջ լայն տարածված ժեստեր, որոնք ունեն համընդհանուր ըմբռնում:

Դրանից մեկն, օրինակ, «միջնամատ» ցույց տալու անվայել ժեստն է: Այն ամբողջ աշխարհում ամենահայտնի անվայել ժեստն է: Բացի այդ, այն ամենահին նշաններից մեկն է, որն օգտագործվել է դեռ հին հույների և հռոմեացիների, ինչպես նաև կապիկների կողմից: Այն ներկայացնում է տղամարդու սեռական օրգան: Նման ժեստ է հաճախ օգտագործում արդեն մեր երկրի 4-րդ նախագահ ընտրված, նախկին դեսպան Արմեն Սարգսյանը, ով, կարծում ենք, որպես դիվանագետ, լավագույնս է տիրապետում ժեստերին:

Մի խոսքով՝ Ազգային ժողովի ամբիոնից մեր երկրի նախագահը մեզ բոլորիս, թեկուզ անգիտակցաբար, միջնամատ ցույց տվեց, ասել է թե՝ F**k:

Բարի վայելում մեզ՝ ժողովրդին, F**k ցույց տվող նախագահին:

Արիանա Հովսեփյան