«Հերիք ու բոլ եղավ ժողովրդին արտաքին թշնամու առկայությամբ վախեցնեք»

Փաստաբան Էմիլ Մարկոսյանը ֆեյսբուքյան իր էջում գրել է.

«Հերիք եղավ ու բոլ եղավ էս ժողովրդին արտաքին թշնամու առկայությամբ վախեցնեք կամ էլ ամոթանք տաք։

Բազմաթիվ անգամներ մեր ազգը գործով ապացուցել ա, որ ոչ մի թշնամուց էլ չի վախենում և հարկ եղած դեպքում համարժեք պատասխան էլ ա տալիս դեռ մի բան էլ ավելի, էդ թշնամուց վախեցողներին Ձեր տներում ման եկեք, նրանց մեջ ով չի ծառայել և խուսափել է զորակոչերից, ապրիլյան պատերազմի ժամանակ ծակերում մտած «չինովնիկների» մեջ ման եկեք, իսկ արտաքին թշնամիներ` մենք դարերով ունեցել ենք և դեռ կունենանք։ Ինչ վերաբերում է նրան, որ իբր «Ամոթ է, թշնամին տեսնում է, հետևում է ու ի՞նչ կմտածի մեր մասին», ապա դրան էլ կասեմ, որ իրոք ամոթ է, ամոթ է, երբ թշնամին տեսնում է` ոնց են մեր բանակից միլիոնների հասնող գողություն անում, ոնց ենք մեր զինծառայողներին վիրահատելու և բուժելու համար համար ազգովի դրամահավաք անում, ամոթ են մեր «կանսերվի բանկաներով» պատված սահմանները, մեր 80-ականների զենքն ու զինամթերքը, այ դա է ամոթալի ու ողբերգական։

Էսօր ազգից պահանջում են, որ «Պադերշկա» անենք, սաղ պաշտոնյաների համար խնդրեցիք ու հորդորեցիք, որ «Պադերշկա» անենք, նույն բանն էլ Ձեզ եմ խնդրում, ՊԱԴԵՐՇԿԱ արեք սոված ծարավ, աղքատ արտագաղթող, գործազուրկ ու չքավորության մեջ ապրող մեր Հայ ազգին։ Ամեն տեսակի տուգանքների միջոցներ փաթաթեցիք ժողովրդի վզին, ամեն տեսակի հարկային բեռով խեղդեցիք փոքր և միջին բիզնեսը, ամեն տեսակի աշխատատեղեր ու աշխատավարձներ կրճատվեցիք, ամեն տեսակի դժվարություններ ստեղծեցիք ազգի համար, իսկ էսքանից հետո իրական Պադերշկի կարիքը` հաջորդ օրվա համար հանապազօրյա հաց վաստակելու երազանքով ապրող ժողովուրդն ունի, գիշերները սոված ծարավ քնող ու արթնացող երեխաները ունեն, սնվելուն կարոտ մնացած թոշակառուները ունեն, բուժման ու վիրահատության հնարավորություն չունեցող անձինք ունեն, այլ ոչ թե...»: