Պոկվել է գովազդային վահանակը, վնասվել են տանիքի փայտյա կառուցատարրերը և թիթեղյա ծածկը

Մարտի 9-ին, ժամը 18:51-ին տեղեկություն է ստացվել, որ Շիրակի մարզի Արթիկ քաղաքի Ազատության հրապարակի մոտակայքում՝ էլ. սյան վրա ամրացված գովազդային վահանակը պոկվել և կախվել է, առկա է ընկնելու վտանգ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարներն ապամոնտաժել են գովազդային վահանակը:

***

Մարտի 9-ին, ժամը 13:08-ին ահազանգ է ստացվել, որ Երևան քաղաքի Արամ Խաչատրյան փողոցի թիվ 26/2 շենքի ջրատար խողովակը վնասվել է, ինչի հետևանքով բնակարաններից մեկը ջրալցվում է. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ ջրալցվել է թիվ 26/2 շենքի 2-րդ մուտքի բնակարաններից մեկը:

Փրկարարները փակել են մուտքի ընդհանուր ջրագծի փականը և ժամանակավոր դադարեցրել ջրի հոսքը:

***

Մարտի 9-ին, ժամը 11:18-ին ահազանգ է ստացվել, որ Լոռու մարզի Ալավերդի քաղաքի ԲԿ-ի մոտակայքում տեղի ունեցել քարաթափում. անհրաժեշտ է փրկարարների օգնությունը:

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է, որ քարաթափումը տեղի է ունեցել Երևանյան խճուղու սկզբնամասի հարակից լանջից:

Փրկարարները մաքրել են ավտոճանապարհը քարաբեկորներից (մոտ 0.5 խմ):

***

Մարտի 9-ին, ժամը 10։32-ին ահազանգ է ստացվել, որ Գեղարքունիքի մարզի Լճաշեն գյուղում քամուց վնասվել են 2 տան տանիքներ։

Դեպքի վայր է մեկնել հրշեջ-փրկարարական ջոկատի օպերատիվ խումբը:

Պարզվել է որ քամուց մասամբ վնասվել են Լճավան գյուղի 10-րդ փողոցի տներից մեկի տանիքի փայտյա կառուցատարրերը և թիթեղյա ծածկը (մոտ 40 քմ), կից օժանդակ շինության տանիքի ազբոշիֆերից ծածկը (մոտ 10 քմ) և մեկ այլ տան տանիքի փայտյա կառուցատարրերը և ազբոշիֆերներից ծածկը (մոտ 30 քմ):