Մխիթարյանը չի հպարտանում իր խփած գոլերով, իսկ Սանչեսը հպարտանում է իր բարձր աշխատավարձով

Վերջին օրերին ֆուտբոլային վերլուծաբանները համեմատականներ են տանում ու խոսում ձմեռային տրանսվերային շուկայի ժամանակ տեղի ունեցած սուպերփոխանակման մասին։ Հիշեցնենք, որ Մխիթարյանը եկավ Արսենալ, իսկ Ալեքսիս Սանչեսը՝ Մանչեսթեր Յունայթեդ։

Արդեն հիմա շատերը խոսում են ու փաստերով ապացուցում, որ այս փոխանակումից շահեց Արսենալն ու Մխիթարյանը։ Մանչեսթերի ու Ալեքսիս Սանչեսի նկատմամբ ճնշումները մեծ են։ Այդ ճնշումները շատացան այն ժամանակ, երբ Մանչեսթերը սեփական հարկի տակ 1-2 հաշվով պարտվեց Սևիլիային ու դուրս մնաց Չեմպիոնների լիգայի խաղարկությունից։

Անգլիկան սպորտային պարբերականները հրապարակել են Ալեքսիս Սանչեսի հայտարարությունը․ չիլիացին ընդգծել է, որ հպարտ է, քանի որ ինքը Անգլիայի պրեմիեր լիգայի ամենաբարձր վարձատրվող ֆուտբոլիստն է։ Այս հայտարարությունից ժամեր են անցել, սակայն Մանչեսթերի երկրպագուներն արդեն իսկ ամենաբուռն կերպով քննադատում են չիլիացուն։

Փաստացի ստացվում է, որ սուպերփոխանակման հերոսներից մեկը՝ Մխիթարյանը չի հպարտանում ոչնչով, գրավում է մրցակից դարպասը, կատարում գոլային փոխանցումներ ու իր հետ մեկտեղ առաջ տանում Արսենալին, իսկ Սանչեսը ոչինչ չի անում, խաղադաշտում մնում է աննկատ ու անընդհատ սխալվում է ու այդ ամենի հետ մեկտեղ հպարտանում է իր բարձր աշխատավարձով։

Ֆուտբոլային աշխարհը հիմա ապրում է էվոլյուցիա։ Աժանապատվությանը, նվիրվածությանն ու հարգանքին եկել են փոխարինելու գումարները։