Երևանի Սուրբ Պողոս-Պետրոս եկեղեցին, որը քանդեցին 1931 թվականին. NEWSPRESS.am-ի բացառիկ լուսանկարները

Քչերը գիտեն, որ «Մոսկվա» կինոթատրոնի տեղում ժամանակին եղել է եկեղեցի։ Պողոս-Պետրոս եկեղեցին կառուցվել է 5-րդ դարում ու մի քանի անգամ վերանորոգվել է։ Փաստացի եկեղեցու մասին հիմա քչերը գիտեն։ Անկախության սերունդն անգամ պատկերացում չի էլ կարող կազմել, որ «Մոսկվա» կինոթատրոնի տեղում եղել է Երևան քաղաքի ամենահին եկեղեցիներից մեկը։ Եկեղեցու մասին հիշատակությունները քիչ են։ Անգամ հիմա արխիվներում կան շատ քիչ փաստաթղթեր ու լուսանկարներ եկեղեցու մասին։

Սովետական իշխանությունների անաստված քարոզչության զոհը դարձավ եկեղեցին։ 1931 թվականին եկեղեցին քանդվեց ու նրա տեղում կառուցվեց «Մոսկվա» կինոթատրոնը։ Հուշագիրները նշում են, որ ճարտարապետ Ալեքսանդր Թամանյանը դեմ է եղել, որ քանդվի եկեղեցին։ Սակայն Թամանյանի հորդորները ոչ ոք չի լսում, քանի որ անաստվածությանը դեմ գնալը կնշանակեր դեմ գնալ Խորհրդային իշխանություններին։

Եկեղեցին քանդվում է, Երևանում վերանում է ևս մեկ հոգևոր կառույց։ Ու արդյունքում մնում են հուշերն ու այն մի քանի պատառիկ լուսանկարները, որոնք վկայում են եկեղեցու գոյության մասին։ Սուրբ Պողոս-Պետրոս եկեղեցու մասին նյութեր կան շատ քիչ արխիվներում։ Եկեղեցուց ձեռագրեր կան Մատենադարանում, լուսանկարներ կան Ազգային արխիվում ու Հայաստանի Ազգային գրադարանում։

NEWSPRESS.am Culture-ը ներկայացնում է բացառիկ լուսանկարներ Պողոս-Պետրոս եկեղեցուց, որոնք պահպանվում են Հայաստանի Ազգային գրադարանում։ Հավելենք նաև, որ լուսանկարների վրա թվագրված է 1915 թվականը։