Կուշտ ու առողջ Արամյանը թքած ունի սոված, հիվանդ ու աղքատ ծերերի վրա

Ազգային ժողովում պատգամավորի հարցին ի պատասխան՝ ՀՀ ֆինանսների նախարար Վարդան Արամյանը քիչ էր մնում լաց լիներ, երբ հարցին, թե ե՞րբ կբարձրանան նվազագույն աշխատավարձերը կամ թոշակները։ Ի դեպ, պլպլան վարչապետի պլպլան նախարարի օրոք ոչ մի աշխատավարձ չի բարձրացել, ոչ մի թոշակ չի բարձրացել, իսկ թանկացումներ որքան ուզեք։

Արամյանն ասում է, որ, ընդունենք, 5000 դրամով թոշակը բարձրացնելը պետական բյուջեի համար լրացուցիչ մեծ բեռ կլինի։ Դե Արամյանը մեծացել է հարուստի ընտանիքում, հայրը հայտնի դատավոր Արամյանն էր։ Վարդան Արամյանը լավ է ապրել, փոքր ժամանակ հեծանիվ ու գնդակ է ունեցել, հայրը նրան ապահովել է կրթությամբ, հետո տեղավորել պաշտոնների և այսպես շարունակ։

Վարդան Արամյանը սոված չի քնել, Վարդան Արամյանը հիվանդ չի եղել, Վարդան Արամյանը ցուրտ տան մեջ «մամա սոված եմ ու հաց եմ ուզում» չի ասել։ Վարդան Արամյանը բանվորի նման չի քրտնել․․․․ Մի խոսքով՝ ինչ ուզել է, տվել են, հիմա էլ ինչ ուզում են՝ տալիս է, բայց միայն իր համար։

Ֆինանսների նախարարը մի վատ կողմ էլ ունի։ Ամեն տարի արտաքին պարտքն է ավելացնում, բայց ոչ մի արդյունք չենք ստանում։ Նույն Արամյանը մեզ գցում է կրակն ամեն րոպե, մեզ ու մեզանից հետո եկող սերունդներին ահռելի պարտքի բեռ է դնում շալակներս․․․․

Վարդան Արամյանը թքած ունի, որ ծերունի թոշակառուներին տրվող մի քանի կոպեկը չի հերքում նրանց դեղին հացին ուր մնաց թե գազին ու լույսին։ Վարդան Արամյանն ու իր շեֆերը, անգամ քարտուղարուհին ու սիրուհին մի րոպեում մի թոշակառուի գումարը կարող են վճարել իրենց «կայֆերի» համար, բայց այ հենց հերթը հասնում է մի երկու կոպեկ թոշակ կամ նվազագույն աշխատավարձ բարձրացնելուն, պարզվում է՝ բյուջեն գումար չունի։

Այսպես է բանն աշխարհի։ Ուժեղի մոտ միշտ էլ թույլն է մեղավոր, ֆինանսների նախարարի մոտ սովածներն ու հիվանդներն են մեղավոր, ի վերջո հո Արամյանը նրանց չի հրամայել, որ հիվանդանան ու սովածանան։

Բայց ժամանակն ու պատմությունը մի լավ, շատ լավ հատկություն ունի։ Պատժում է ամեն մեկին ու ամեն ինչի համար։ Դյուման լավ խոսք ունի․․․ Սպասենք և հուսանք։

Ժամանակի անիվն ի վերջո մի օր կծերացնի Արամյանին ու նա կհասկանա, թե ինչ կարևոր է մի քանի կոպեկ ավել թոշակ ստանալը։

Արիանա Հովսեփյան

NEWSPRESS.am-ի հիմնադիր-տնօրեն