Հասմիկ Պողոսյանին դատի կտա՞ն

ՀՀ գլխավոր դատախազության պետական շահերի պաշտպանության վարչությունում ՀՀ մշակույթի և ֆինանսների նախարարություններից ստացված փաստաթղթերի ուսումնասիրությամբ պարզվել է, որ «Հուշարձանների ամրակայում, նորոգում և վերականգնում» ծրագրի շրջանակներում 2014-2016թթ. իրականացված շինարարական աշխատանքների ընթացքում ՀՀ մշակույթի նախարարության պաշտոնատար անձինք փաստացի չկատարված կամ թերի կատարված աշխատանքներն ընդունել են որպես ամբողջությամբ կատարված, ինչի հետևանքով դրանց դիմաց ՀՀ պետական բյուջեից վճարվել է ընդհանուր առմամբ 67 մլն ՀՀ դրամ՝ պետությանը պատճառելով առանձնապես խոշոր չափերի վնաս:

Իհարկե, Գլխավոր դատախազությունը չի մանրամասնում, թե հատկապես որ հուշարձանների վերանորոգման մասին է խոսքը, սակայն Հայաստանում գաղտնիք չէ, որ կոռուպցիոն բուրգը, ինչպես խորհրդային շրջանում, վերևից իջնում էր ներքև։ Այսինքն` առանց խոշոր ձկների, մեծ ձկները ոչինչ էին:

Եթե այն ժամանակվա նախարար Հասմիկ Պողոսյանը, ում նկատմամբ քիչ թե շատ դրական վերաբերմունք չկար, պատասխանատու էր կառույցի` Մշակույթի նախարարության աշխատանքի համար: Բացի այդ, Օձունի եկեղեցու, Գառնիի կամրջի և մի շարք այլ հուշարձանների վերանորոգման համար տրամադրված գումարներից, ըստ լուրերի, նախարարությունում տոկոսներ էին վերցրել, ինչպես ասում են, իրենց բաժինը վերցրել էին, իսկ մնացածը տվել վերանորոգման համար:

Հուշարձանների նկատմամբ կար նաև անփույթ վերաբերմունք, թեև Հասմիկ Պողոսյանի կողմից նման վերաբերմունքն արդարացված էր. նա ո՛չ մասնագետ էր, այլ կենսաբան, ոչ էլ հայերենին էր նորմալ տիրապետում` ստացել էր ռուսական կրթություն:

Վերջին հաշվով, Հասմիկ Պողոսյանը քիչ մեղավոր է, մեղավոր են նրանք, ովքեր միջնորդել էին նման տիկնոջը վստահել հայոց մշակույթը, որից նա հազարավոր կիլոմետրերով հեռու էր և միակ բանը, որ նա կարողացել է անել` չարաշահումներ կուտակելն է և մշակույթի նկատմամբ անփույթ վերբերմունքը:

Ինչպես գիտենք, ռուսական կրթության կրողները չեն ուշաթափվում հայկական մշակույթի նկատմամբ, քանի որ դաստիարակվել և կրթվել են այլ մշակույթի ազդեցության ներքո` զոհ գնալով ծնողների մեծապետական ամբիցիաներին:

Հույս կա, որ դատախազության հաղորդագրությունից հետո այս ոլորտում տեղաշարժ կլինի, և ոլորտի համար պատասխանատուն կամ պատասխանատուները պատասխան կտան իրենց մեղքերի համար: Թեև Հասմիկ Պողոսյանը չքմեղանում է, թե` ես չեմ, սակայն, ինչպես գիտենք, նախարարություններում, սովորաբար, առանց նախարարի գիտության անգամ թարմ օդ պատուհաններից ներս չի մնում, այլ հարց է, թե կկարողանա՞ն Ռիտա Սարգսյանի ընկերուհուն «պատին դեմ տալ»:

Ի դեպ, շինարարական աշխատանքների կատարման նկատմամբ և տեխնիկական հսկողություն իրականացրած և կապալառու կազմակերպությունների ներկայացուցիչներն աշխատանքների կատարման ակտերում մտցրել են իրականությանը չհամապատասխանող և չկատարված տվյալներ:

ՀՀ գլխավոր դատախազության պետական շահերի պաշտպանության վարչությունում ՀՀ քրեական օրենսգրքի 315-րդ հոդվածի 2-րդ մասի և 325-րդ հոդվածի 2-րդ մասի հատկանիշներով հարուցվել է քրեական գործ: Նախաքննությունը հանձնարարվել է ՀՀ քննչական կոմիտեին:

 NEWSPRESS.am