«Ռիբակ ռիբակա վիդետ իզդալեկա». Կոստանյանը՝ Տարոն Մարգարյանի «փաստաբան»

Որ Տարոնը մի լավ ծեծել տա կանանց. Գևորգ Կոստանյանի նվաստացումն ու կին ծեծող հանրապետականները

ՀՀ նախկին գլխավոր դատախազ, այս պահին ՀՀ ԱԺ պատգամավոր և պետաիրավական հարցերի մշտական հանձնաժողովի նախագահ, տխրահռչակ Գևորգ Կոստանյանն այնքան է նվաստացել, որ սկսել է ԱԺ ամբիոնից փաստաբանություն անել Երևանի քաղաքապետի համար:

Կյանքն է այդպես՝ որքան իջնում է պաշտոնդ, այնքան քեզ դիմում են ցածր մակարդակի մարդիկ: Երբ Գևորգ Կոստանյանը զինդատախազ էր, նրան դիմեց Սուրիկ Խաչատրյանը՝ Լիսկան: Հետո Կոստանյանը դարձավ Գլխավոր դատախազ: Այդ պաշտոնում Կոստանյանը սպասարկում էր միայն ու միայն Նախագահին, իրենց դեպքում՝ առաջնորդին:

Հայ ժողովրդի բախտը բերեց, որ ինչ-որ՝ որևէ մեկին դեռևս անհայտ պատճառով, Կոստանյանը զրկվեց բարձրագույն պաշտոնից, և ժողովուրդը սկսեց շունչ քաշել:

Տաշած քարը, սակայն, գետնին չի մնում: Կոստանյանը դարձավ պատգամավոր և հետո նաև՝ պետաիրավական հարցերի հանձնաժողովի նախագահ:

Ու քանի որ պաշտոնի մակարդակն իջել է, Կոստանյանն արդեն սկսել է փաստաբանություն անել ավելի ցածր օղակների, այս դեպքում՝ Տարոն Մարգարյանի համար:

«Կոյուղաջրեր»-ից հետո, մի օր Տարոն Մարգարյանը որոշեց, որ Երևանի ավագանու նիստերը դռնբաց չպետք է լինեն, և լրագրողները նիստին պետք է հետևեն ուղիղ հեռարձակմամբ: Բանն այն է, որ Տարոն Մարգարյանն ու բոլոր հանրապետականները՝ կին ծեծող հանրապետականները, խայտառակ եղան:

Գևորգ Կոստանյանը հոգուն վրա հասնելով՝ ԱԺ-ում ընդունել տվեց մի օրինագիծ, ըստ որի՝ ավագանու նիստերին լրագրողները չեն կարող հետևել դահլիճից, որպեսզի հանրապետականները մի լավ ծեծեն կանանց:

Գևորգ Կոստանյանը, հավանաբար, չի գիտակցում, որ այսպիսի քայլերով՝ Տարոն Մարգարյանի շահերը պաշտպանելով, նահանջ է ապրում ու մի օր էլ, հավանաբար, ինչ-որ թաղապետի և կամ շենքի լիազորի փաստաբան կդառնա:

Չնայած, ռուսի ասած՝ «ռիբակ ռիբակա վիդետ իզդալեկա»: Արժանի եք իրար: Թող Կոստանյանն օրենք ընդունի, որ հանրապետականները կանանց ծեծեն…

Ոչ, ոչ, ամոթ չէ: Ձեզ ամեն ինչ կարելի է: Չնայած...

Չնայած՝ դուք ի՞նչ գիտեք՝ ամոթն ի՞նչ է:

NEWSPRESS.am