Ինչու Հասմիկ Պողոսյանը «հեռացրեց» Կարեն Դուրգարյանին
Կարեն Դուրգարյանը 15 տարի Ազգային օպերային թատրոնի գլխավոր դիրիժորն էր, իրականացնում էր օպերային և բալետային ներկայացումների պրեմիերաներ: 2015-ին Դուրգարյանն ազատվեց պաշտոնից․ պատճառն այն էր, որ գլխավոր դիրիժորի հաստիք այլևս գոյություն չուներ։
Եզակի մասնագետն այժմ աշխարհի տարբեր երկրներում համագործակցում է անվանի սիմֆոնիկ նվագախմբերի հետ, համերգներ է տալիս, հրավիրվում է տարբեր երկրներում աշխատելու, սակայն հայրենիքի մշակութային կյանքում Կ․ Դուրգարյանը տեղ չունի։ Նրա կարիքը զգում են Իսրայելի, Բրյուսելի, Բոգոտայի ֆիլհարմոնիկ նվագախմբերում, նա իրականացնում է բալետային ներկայացումներ, իսկ Լայպցիգի, Մյունխենի, Անտվերպենի օպերային թատրոններից հրավերներ է ստանում համագործակցելու, իսկ հայրենիքը նրան դուրս նետեց Հայաստանի մշակութային կյանքից:
Ինչպես ասում են, տաշած քարը գետնին չի մնա, իսկ ի՞նչ կորցրեց Ազգային օպերային թատրոնը, պարզապես ազատվեցին նման մասնագետից, որից երկրորդը Հայաստանը չունի․ նման գործիչներին փոխարենն ամեն կերպ պահեն Հայաստանում, սեփական ամբիցիաներին տուրք տալու համար՝ դուրս են նետում հայրենիքից, իսկ արդյունքում՝ ոչինչ։
Հիշեցնենք, որ Կ․ Դուրգարյանն աշխատանքից ազատվեց Օպերայում «կառուցվածքային փոփոխությունների» պատճառով, իսկ իրականում ազատվեցին նրանից։
Նշենք, որ օպերային թատրոններում ընդունված է ունենալ գլխավոր դիրիժոր․ ակնհայտ է, որ Կարեն Դուրգարյանից պարզապես ազատվեցին․ սեփական ամբիցիաներն ավելի բարձր են, քան մշակույթը: Այդ է նաև պատճառը, որ երկրից հեռանում են մշակույթի այն գործիչները, ովքեր չունենալով դրսևորվելու ասպարեզ՝ պարզապես խեղդվում են նեղ անձնական ամբիցիաների ճահճում։
Ա. Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար է նշանակվել դիրիժոր Կոնստանտին Օրբելյանը, ում ևս ձեռնտու չէր Դուրգարյանի նման «մրցակից» ունենալ։
Չմոռանանք, որ այդ շրջանում Մշակույթի նախարարն էր մշակույթից հազարավոր մղոններ հեռու Հասմիկ Պողոսյանը, ով նաև Ռիտա Սարգսյանի ընկերուհին էր և մշակույթի ոլորտում իրագործում էր ընկերուհու ցանկությունները. անգամ Արմեն Ամիրյանը նախարար դառնալուց հետո «չսրբագրեց» Հասմիկ Պողոսյանին․ նա ևս դարձել է մշակութային կամակատար։
Նշենք, որ երբ Ազգային օպերային թատրոնի ներկայիս ղեկավարին, երբ հարցնում են, թե արդյոք դուք չունե՞ք գլխավոր դիրիժորի կարիք և դուք կարող եք ղեկավարել նաև բալետային և օպերային ներկայացումները, Օրբելյանը պատասխանում է՝ ո՞վ է ասում, որ հեշտ է ղեկավարել բալետային ներկայացումները։
Իսկ Կարեն Դուրգարյանը ղեկավարում էր։
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Շահումյանցի Ժիրոն ու նրա «կլանը»՝ կրկին մեղադրյալի աթոռին. «Հրապարակ»
Պաշտոնանկություններ ՀՀ էկոնոմիկայի նախարարությունում. ArmLur.am
Ներիշխանական խմորումներ. ում են «քցել» և ում են դեռ «քցելու» ՔՊ-ականները՝ Փաշինյանի հրահանգով. «Հրապ...
Լարված իրավիճակ նիստին. Սուտ չեմ խոսում, տղամարդավարի խոսք տվեցիք, ձեր խոսքին տեր չկանգնեցիք
Իրանը հարվածել է Հորդանանում գտնվող ամերիկյան Ալ-Ազրաք ռազմաբազային
Մուրացան փողոցից 15-ամյա տղա է տեղափոխվել հիվանդանոց. նոր մանրամասներ զինված միջադեպից
