Հայաստանցի տղերքին Արցախում չծառայելու կոչ անողները մոռանում են՝ Ալիևն Արցախը գրավելուց հետո իրենց կնոջն է բռնաբարելու

Պատմությունից այդպես էլ ոչինչ չսովորեցինք: Ամենավերջին ու թարմ օրինակը Հոկտեմբերի 27-ի դավաճաններն էին, որոնք հայ ժողովրդին գլխատեցին մեր ԱԺ-ում, մեծ հաշվով մեր տան մեջ...

Իսկ հիմա ամեն ինչ շատ ավելի է վատացել, քան պատկերացնել կարելի է: Նոր թեմա է նետվել մեդիադաշտ, որով կեղծ ազատականներն ու պսևդոկոսմոպոլիտները քարոզում են, որ հայաստանցի տղերքն Արցախում չծառայեն: Նրանք ավելի են խորացել, Սահմանադրությանն են կանչում օգնության:

Ամեն ինչ սկսվեց կապույտ մազերով հայտնի աղջնակից, ում Արցախի մայրաքաղաք Ստեփանակերտում ոստիկանները նեղացրել էին, բայց դրա մասին սկսեց խոսել միայն մարտի 26-ին:

Աղջիկը պնդում է, որ իրեն ասել են. «Կգնաս, օրենք կպահանջես քո Երևանում»: Այ հենց այստեղ է թաղված շան գլուխը:

Հայաստանից տարբեր պատճառներով հեռացած մի խումբ, որոնցից շատ-շատերը քաղաքական ապաստան են ստացել եվրոպական երկրներում, այնտեղից այստեղ որոշեցին, որ այդ ոստիկանի և կապույտ մազերով աղջկա կռիվը հիմք է տալիս, որ հայ տղերքը չգնան Արցախում ծառայելու և սկսեցին այդ առթիվ Սահմանադրություն ցիտել:

Դավաճաններ բառն իսկը տեղին է: Բանն այն է, որ Ալիևն իր ամբողջ իշխանությամբ հանդերձ կոչ է անում աշխարհին, որ Հայաստանի քաղաքացիները չծառայեն Արցախում:

Բանից պարզվում է, որ ոչ բարով հայերի մի փոքր դավաճան խումբ նույն պնդումն է անում՝ օտար երկրից: Որտե՞ղ է նայում Ազգային անվտանգության ծառայությունը: Ա՛յ սա հենց նրանց գործն է, որ այդ կեղծ ազատականներին կարգի հրավիրեն ու բացատրեն, որ մենք պատերազմող ժողովուրդ ենք:

Երկրից փախած ու եվրոպաներում մեզ կոչեր անող դավաճանները մոռանում են, որ Արցախը գրավելուց հետո Ալիևն անձամբ մտնելու է իրենց տներ ու իր իսլամիստ զորքի հետ բռնաբարի նախ նրանց կանանց, հետո երեխաներին, իսկ ծերերի ականջներն էլ կկտրի: Մեզ միայն պայքար է պետք: Սա պայքար է գոյության, սա պայքար է արևի տակ տեղ ունենալու համար:

Ցավն այն է, որ Հայոց ցեղասպանության 100 տարին դեռ նոր է բոլորել, իսկ ապրիլյան վայրագությունների ցավը դեռ բոլորիս սրտում է:

Գրողի ծոցը կորչեն աղջկա մազերի գույնն էլ, սիգարետն էլ, խոշտանգող ոստիկաններն էլ հետը...

Հայ տղերքը պետք է ծառայեն Արցախում, որովհետև Արցախը Հայաստանի անբաժանելի մասն է ու մենք այն պահելու համար ոչ մի ռեսուրս չենք խնայելու։

NEWSPRESS.am