Սալլահը ձեռնոց է նետում այլմոլորակայիններին․ Ֆուտբոլիստներ, ովքեր այս տարի կպայքարեն Ոսկե գնդակի համար

Արդեն հիմա շատ թեժ պայքար է գնում Ոսկե գնդակի համար։ Մասնագետներն արդեն հիմա նշում են, որ կամաց-կամաց մոտենում է Մեսսիի ու Ռոնալդուի դարաշրջանի ավարտը, ու աշխարհի լավագույն ֆուտբոլիստի համար պայքարում կհայտնվեն նոր անուններ, սակայն․․․

NEWSPRESS.am Sport-ը ներկայացնում է ֆուտբոլիստների, ովքեր կպայքարեն Ոսկե գնդակի համար։

Քևին Դե Բրույնե

Բելգիացին հրաշալի մրցաշրջան է անցկացնում Պեպ Գվարդիոլայի գլխավորությամբ։ Նա «Մանչեսթեր Սիթիի» գլխավոր ֆիգուրն է, ով կազմակերպում է բոլոր գրոհները, խաղին տալիս է սրություն, ու ամբողջ հանդիպման ընթացքում ապահովում է դինամիկ խաղը։

Այս ամենի հետ մեկտեղ կարելի է նշել, որ այս մրցաշրջանում ֆանտաստիկ ֆուտբոլ է խաղում ամբողջ «Մանչեսթեր Սիթին»։ Իսկ Դե Բրույնեի Ոսկե գնդակ ստանալու շանսերն ու հնարավորությունները կախված են այն մրցանակներից, ինչ կհաղթի թիմը։ Տեսականորեն անգլիական ակումբը ապահովել է իր տեղը Անգլիայի պրեմիեր լիգայի չեմպիոնական մրցավազքում։Թիմը Չեմպիոնների լիգայում պայքարում է նույնպես։ Իսկ այս պահի դրությամբ բելգիացին եվրոպայում լավագույններից է։ Նա իր դիրքում լավագույնն է, իսկ Ոսկե Գնդակի համար պայքարում դեռ նոր զարգացումներ կլինեն, քանի որ լավ խաղի հետ մեկտեղ մեծ նշանակություն ունի նաև թիմային հաջողությունը։ Առջևում Աշխարհի առաջնությունն է, որտեղ Բելգիան համարվում է գլխավոր ֆավորիտներից մեկը։

Ռոնալդու/Մեսսի

Որքան էլ մասնագետները խոսեն Մեսսի ու Ռանալդուի մասին, այնուամենայնիվ այս երկուսը շարունակում են լինել լավագույնն աշխարհում։ Կատալոնական ակումբի խաղն այս տարի մի փոքր այլ է, ու դրանով է պայմանավորված նաև արգենտինացու մի փոքր ստվերային, բայց հրաշալի խաղը։ Նա իր տարիքի հետ մեկտեղ ավելի լավն է դառնում։ Մեսսին հիմա իր որակներին գումարել է նաև տուգանայինից հանճարեղ հարվածներով մրցակցի դարպասը գրավելու որակը։ Մեսսի դրիբլինգը շարունակում է մնալ նույնը։Հարձակվողն իր հանճարեղ խաղը չի կորցրել, այլ ավելարցել է մի քանի նոր որակներ։ Այս ամենը պետք է ասել նաև Ռոնալդուի մասին։ Մրցաշրջանի սկզբում պորտուգալացին գտնվում էր վատ մարզավիճակում, սակայն արդեն հիմա ամեն ինչ այլ է ։Նա ապրում է իր երկրորդ երիտասարդությունը։ Նա գրավում է մրցակցի դարպասներն ավելի հաճախ ու դարձել է 9 համարի հրաշալի գոլահար։ Ռոնալդուն մի փոքր կորցրել է արագությունը, դրիբլինգն ու տուգանային հարվածներով մրցակցի դարպասը գրավելու տաղանդը, սակայն այս ամենին ավելացել է գոլային ֆանտաստիկ հոտառությունը։ Իսկ այս երկուսի պայքարում ամեն ինչ կորոշվի թիմային մրցանակների պայքարում, քանի որ երկուսն էլ Աշխարհի առաջնությանն են մասնակցում ու այնտեղ ևս կփորձեն պայքարել ու ցուցադրել իրենց լավագույն որակները։Պետ չէ մոռանալ նաև Չեմպիոնների լիգայի մասին։

Մուհամմեդ Սալլահ

Իսկ Սալլահն այն մարդն է, ով այս երյկար ու ձիգ տարիների դադարից հետո ոտք մեկնեց Մեսսիին ու Ռանալդուին։Եգիպտացին ֆանտաստիկ ֆուտբոլ է խաղում։Խոսել Սալլահի խաղի մասին ու ներկայացնել միայն խփվծ գոլերը կնշանակի ոչնչի մասին չխոսել։ Երբ Սալլահը Ռոմայում էր, նրան անվանում էին ուղղակի արագավազ մարդ, ով շրջանցել չգիտի, չունի լավ դրիբլինգ ու կարողանում է գնդակը գցել իր դիմաց ու արագ վազել, բայց արի ու տես Յուրգեն Կլոպը կարողացավ այս տղայից ստանալ առավելագույնը։

Մեծ հաշվով Սալլահի ֆանտաստիկ խաղն ավելի լավացավ այն ժամանակ, երբ թիմը լքեց Կոուտինյոն։ Սալլահը կարող է միայնակ վճռել հանդիպման ելքը, կարող է շրջանցել ամբողջ թիմին, կարող է հեռահար հարվածներ իրականացնել ու կայծակնային արագությամբ ճեղքել ցանկացած պաշտպանություն։Ու պատահական չի նաև այն, որ Լիվերպուլի երկրպագուները միշտ հանգիստ են, քանչ որ ունեն եգիպտացու նման ֆուտբոլիստ։ Սուբյեկտիվ կարծիք կհնչի, սակայն այս քառյակում լավագույնը հենց Սալլահն է, ով անկասկած այսպես շարունակելու դեպքւմ կլինի թիվ 1 թեկնածուն, ով կստանա Ոսկե Գնդակը։Սակայն պետք չէ շտապել, այլ պետք է սպասել, թե ինչ կլինի հետագայում, քանի որ ամեն ինչ դեռ առջևում է ու շատ հնարավոր է, որ Աշխարհի առաջնությունում փայլի մի մարդ, ով բնավ չի էլ հայտնվել այս ցուցակում։

NEWSPRESS.am Sport