«Փաստ». Կորյուն Նահապետյանի ունեցվածքը
«Փաստ» թերթը գրում է.
«ԱԺ պատգամավոր Կորյուն Նահապետյանի կինը նախորդ տարի վաճառել է մեքենան՝ փոխարենը գնելով մեկ այլ մակնիշի, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացված 2017թ. տարեկան հայտարարագրից:
Նահապետյանը հայտարարագրել է 16 միլիոն դրամ ու 30 հազար ամերիկյան դոլար դրամական միջոցներ, ինչպես նաև 8 միլիոն 539 հազար դրամ ու 19 հազար 879 ԱՄՆ դոլար եկամուտներ: Դոլարով արտահայտված գումարը ստացված փոխառություններ են՝ վարկեր, դրամից 8 միլիոն 442 հազարը աշխատավարձն է, իսկ 96 հազարը՝ քաղաքացիաիրավական այլ պայմանագրերից ստացված եկամուտ:
Կինը՝ Ղարիբյան Լեյլին, ինչպես արդեն վերևում նշեցինք, վաճառել էր մեքենան: Խոսքը 3 միլիոն 500 հազար դրամ արժողությամբ «LEXUS GS 430» մակնիշի մեքենայի մասին է:
Փոխարենը նա նույնքան դրամով ձեռք էր բերել «TOYOTA CAMRY 2.5»:
Կնոջ դրամական միջոցները կազմել են 9 միլիոն դրամ ու 160 հազար ԱՄՆ դոլար, իսկ եկամուտները՝ 936 հազար դրամ ու ստացվել աշխատավարձից»:
Մանրամասները՝ թերթի այսօրվա համարում:
