Պուշկին-Աբովյան խաչմերուկում ցուցարարները կոչ արեցին չինացի զբոսաշրջիկներին միանալ իրենց (ֆոտո, վիդեո)
Նիկոլ Փաշինյանն իր նախաձեռնած երթի մասին հայտարարել է, որ այն լինելու է անկանխատեսելի:
«Չենք ասում, թե ոնց ենք գնում, ուր ենք գնում, ուղղակի քայլում ենք Երևան քաղաքով»,-ասաց նա:
Փաշինյանը նշել է նաև, որ մոտ 30 հոգու արդեն իսկ բերման են ենթարկել:
«Ոչ մեկ հրապարակում չի մնում, գնում ենք տարբեր տեղեր, բայց ոչ փոքր խմբերով, որպեսզի ժողովրդին բերման չենթարկեն: Հիմա մեր հաշվարկով 30 հոգու բերման են ենթարկել: Մեր զորակցությունը բերման ենթարկված ընկերներին պետք է լինի տասնյակ հազարանոց քաղաքացիների մասնակցությամբ երթը և ցույցը»,- ասաց նա:
Փաշինյանը բոլորին կոչ արեց միանալ երթին: Ցուցարարները Մաշտոցի պողոտայով երթով շարժվեցին դեպի Պուշկինի փողոց, որը Աբովյան փողոցի հետ հատվող խաչմերուկում ևս շրջափակված է:
Փաշինյանը հասնելով այդ խաչմերուկ՝ ողջունեց և շնորհակալություն հայտնեց տղաներին, ովքեր փակել էին փողոցը:
Ցուցարարները Պուշկին-Աբովյան խաչմերուկում կոչ արեցին չին զբոսաշրջիկներին միանալ իրենց, վերջիններս ձեռքով ողջունեցին ակտիվիստներին:
Մանրամասները՝ տեսանյութում
