Սերժ Սարգսյան, հի՛շեք՝ ևս մի Մարտի 1 Ձեզ չի ներվելու. ԵՀՄՖ

ԵՀՄՖ-ը կոչ է արել՝ ուղղված Սերժ Սարգսյանին և նրա վարչակարգին: Կոչում, մասնավորապես, ասված է.

«Այսօր որոշվում է մեր երկրի և ժողովրդի ճակատագիրը. կա՛մ Սերժ Սարգսյանը հասկանալու է, որ իր ընտրած ուղին շարունակություն այլևս չունի և հրաժարական է տալու, կա՛մ ենթարկվելու է ժողովրդի դատին: Նա երկիրն ամբողջովին հասցրել է կործանման: Բոլոր ընտրություններն անցկացրել է բացառիկ կեղծիքներով՝ օգտագործելով պարզունակ տեխնոլոգիաներ և այսօր ևս փորձում է ավելի քան է 10 մլն հայությանը հարկադրել՝ ենթարկվելու իր ստեղծած արգահատելի համակարգին:

Ողջ աշխարհի հայությունը հետևում է Հայաստանում ընթացող գործընթացներին և սատարում ժողովրդի արդար պահանջը: Սերժ Սարգսյանն իր խայտառակ թիմով որքան շուտ հասկանա, որ իր վերջը մոտ է, այնքան իրեն համար առավել ձեռնտու պայմաններով կարող է հեռանալ իշխանությունից: Համակարգի կողմից հնարավոր բռնությունների դեպքում բոլորը պատասխան են տալու ողջ աշխարհի հայության առաջ:

Բոլորս մի բռունցք ենք դարձել և պահանջում ենք իշխող վարչակարգից անարյուն հանգուցալուծում՝ առանց բռնությունների և քաղաքակիրթ ուղիով իշխանության փոխանցում ժողովրդական ուժերին:

Սերժ Սարգսյան, հի՛շեք, ևս մի մարտի 1 Ձեզ չի ներվելու»:

ԵՀՄՖ նախագահություն
17.04.2018թ.