Ակտիվիստը մտել էր բերման ենթարկվածներին տանող ոստիկանական մեքենայի տակ

Կառավարության շենքի տարբեր հատվածներից ոստիկաններն ակտիվ բերման են ենթարկում ցուցարարներին:

Երևանի փոխոստիկանապետ Վալերի Օսիպյանը հիշեցրեց լրագրողներին, որ հարկավոր է հեռավորություն պահել ոստիկաններից, քանի որ իրենք աշխատում են:

«Հարգելի լրագրողներ ախր ոստիկանությունը հաղորդագրություն է տարածել, որ ողջամիտ տարածքի վրա աշխատեք, հիմա դուք մեզ խանգարում եք: Խնդրում ենք մի քիչ հեռու կանգնել»,-ասաց Օսիպյանը:

Նկատենք, որ մինչ այդ մի քանի ցուցարարների արդեն ոստիկանները ոտքերից ու ձեռքերից բռնած նստեցերցին ոստիկանական մեքենայի մեջ: Մի երիտասարդ աղջիկ, փորձելով կանխել ոստիկանների գործողությունները, մտել էր մեքենայի տակ: Սակայն նրան ոստիկանները շատ արագ հանեցին մեքենայի տալից և մի քանի ակտիվիստների բերման ենթարկեցին:

Բերման ենթարկված ցուցարարների մեջ է նաև «Տարկետում լինելու է» նախաձեռնության ակտիվիստ Դավիթ Պետրոսյանը:

Ոստիկաններին հաջողվեց ակտիվիստներին հեռու պահել կառավարության շենքից, բացել դռներն ու օգնել կառավարության աշխատակիցներին՝ մուտք գորշելու շենք: