Դավիթ Մանոյանն աջակցում է Երևանում տեղի ունեցող ցույցերին (ֆոտո)

Հայաստանի ազգային հավաքականի խաղացող Դավիթ Մանոյանը ֆեյսբուքյան իր էջում աջակցություն է հայտնել Երևանում ընթացող ցույցերի մասնակիցներին։ Նա, մասնավորապես, գրել է.

«Երբ մարդիկ հարցնում են ինձ, թե ինչու՞ եմ ուզում մնալ և ապրել Հայաստանում երբ կարիերաս ավարտեմ, իմ պատասխանը միշտ բարձր է եւ հստակ, - ՈՐՈՎՀեՏԵՎ ՍԱ ԻՄ ՏՈՒՆՆ Է, և այստեղ եմ ես պատկանում:

Այն մարդիկ, որոնք արտագաղթում են այլ երկրներ, նրանք Հայաստանը ինձնից քիչ չեն սիրում։ Այդ մարդիկ պարզապես հոգնել են մեր երկրում տիրող բոլոր անարդարություններից: Իրենց ընտանիքների համար ապագա չտեսնելով նրանք ավելի լավ կյանք են փնտրում։ Եվ այս ամենի համար ինչ կատարվում է Հայաստանում պատասխանատվություն է կրում ՄԵՐ կառավարությունը եւ ՄԵՐ «նախագահ/վարչապետ»-ը։

Խոնարհվում եմ Հայաստանում ապրող բոլոր այն մարդկանց առաջ, ովքեր Երեւանի փողոցներում ամենօրյա խաղաղ պայքար են մղում ՄԵՐ իրավունքների եւ ազատության համար, եւ նրանց առաջ, ովքեր աջակցում են նրանց արտասահմանից»։

Գրառմանը կից Մանոյանը լուսանկար է հրապարակել և օգտագործել #հպարտեմլինելհայ 
և #միասինմենքուժեղենք հեշթեգերը։