Փաշինյանը բացահայտեց, թե ինչեր են եղել իր «կախարդական» ուսապարկում, որից երբեք չէր բաժանվում

Ընդդիմության առաջնորդ Նիկոլ Փաշինյանը լրագրողների հետ զրույցում ասել է, թե այս օրերի ընթացքում ինչ էր պահում իր այն ուսապարկի մեջ, որն ամեն քայլի իր հետ էր.

«Ինձ անհրաժեշտ պիտույքներն էին, հագուստ, համակարգիչ, լիցքավորիչներ, լարեր, քաղցրավենիք»,-ասել է Փաշինյանը:

Հիշեցնենք՝ Փաշինյանի ուսապարկին ու նրա պարունակությանն իր լայնածավալ հոդվածում անդրադարձել էր նաև ռուս վերլուծաբան Արինա Ցուկաևան:

«Հայաստանի համար հեղափոխական այս օրերին ավելի հաճախ է հնչում «Ի՞նչ կա ՆԻկոլ Փաշինյանի ուսապարկում, որից նա երբեք չի բաժանվում» հարցը,-գրել էր Ցուկաևան:

«Ասում են՝ այնտեղ կատու է», – հեգնում են այն հայերը, ովքեր չեն աջակցում «թավշյա հեղափոխության” ճառասացի թեկնածությունն այլընտրանք չունեցող «ժողովրդական վարչապետի” պաշտոնի համար:

Իսկապես, պարկի մեջ կատվի հետ ասոցիացիան ինքնըստինքյան է առաջանում, քանի որ Նիկոլ Փաշինյանը շատ հակասական կերպար է: Ոչ շատ վաղուց նա հագնված էր «լոնդոնյան դենդիի» պես` մաքուր սափրված դեմք, նոր կոստյում և թարմ վերնաշապիկ, նորաձև փողկապ: Այն մարդը, ով այսօր գլխավորում է ցույցերը Հայաստանում, բոլորովին այլ տեսք ունի` մորուք, բեյսբոլի գլխարկ, զինվորական վերնաշապիկ, մեջքին մշտապես ուսապարկ, և նմանապես մշտական կապված ձեռքը (ըստ առասպելից մեկի՝ ձեռքի վերքի պատճառը ոստիկանության հետ բախման ժամանակ արձակված լուսաձայնային նռնակն է, ըստ մեկ այլի` Փաշինյանը փշալարի միջով փորձում էր ներխուժել Ազգային Ժողովի շենք):