Հրանտ Բագրատյանը վախենում է «տուալետ և լևի» գնալ

«Մինչև տնից հասնում եմ աշխատավայր, տասնութ կամերա ինձ նկարում է: Իմ ամբողջ կայնքը էկրանի առաջա»:Այսօր՝  նոյեմբերի 17-ին, ԱԺ-ում, ՀՀ 2016 թ-ի «Պետական բյուջեի մասին» օրենքի նախագծի քննարկման ժամանակ իր մտահոգությունը հայտնեց ՀԱԿ խմբակցության պատգամավոր Հրանտ Բագրատյանը:

«Հիմա ինչ է սա, այդքան մտածո՞ւմ եք մեր առողջության մասին, որ սխալ քայլ չանե՞նք, «լևի» չգնա՞նք: Որտե՞ղ գնանք, արդեն հրավիրում են ռեստորան, նախապես հարցնում եմ՝ ձեզ մոտ նկարո՞ւմ են, թե ոչ, մարդ ես, ուզում ես մի անեկդոտ պատմել: Էլ չեմ ասում, որ  տանը ամեն ինչ լսվում է, նկարվում է»:

Ի պատասխան Հրանտ Բագրատյանի Պաշտպանության, ազգային անվտանգության և ներքին գործերի մշտական հանձնաժողովի նախագահ Կորյուն Նահապետյանը  նկատեց, որ ինքը ողջունում է տեսանկարահանող սարքերի տեղադրումը:

«Եթե գտնում եք, որ օրենսդրական կարգավորման անհրաժեշտություն կա, խնդրեմ, եկեք քննարկենք: Կառավարության ներկայացուցիչները տալիս են համապատասխան պարզաբանումներ, թե ինչու այս կամ այն տարածքում անհրաժեշտ են այդ սարքերի տեղադրումը: Եթե այստեղ խնդիր եք տեսնում, հանդես եկեք օրենսդրական նախաձեռնությամբ, մենք պատրաստ կլինենք դրանք քննարկելու»,-ասել է Նահապետյանը:

որյուն Նահապետյանի պատասխանը հունից հանեց Բագրատյանին ու նա ՀՀԿ-ականներին դիմելով ասաց.  «լսե’ք, մեզ մի’ ձեռ առեք, ձեր բացահայտ կիքսի մասին եմ խոսում, անընդհատ ասում եք՝  հանդես եկեք օրենսդրական նախաձեռնությամբ:  28 անգամ նախաձեռնությամբ եմ հանդես եկել, մի անգամ քննարկե՞լ եք: Եթե ընդդիմություն ենք, ուրեմն որեւէ բան անել չե՞նք կարող. չեք ընդունի, հա էլ կքննարկեք, սա արդեն ձեւ է դառնում: Տուալետ չենք կարողանում մտնել անգամ»: