Ինչու ստեղծվեց ներքաղաքական ճահիճը և ինչպես խուսափել դրա կրկնությունից

Վարդան Հակոբյանը ֆեյսբուքյան իր էջում գրել է․ 

«Անցյալից մնացած արատավոր սովորությունները, եթե չվերացնենք, կվերանան մեր ձեռքբերումները։ Հերթով հիշենք՝ ինչերի պատճառներով ստեղծվեց այն ճահիճը, որը մեր պետությունը քայքայել ու հասցրել էր վերացման եզրին, և ինչ անենք նույնից խուսափելու համար։

1. Լավամարդ լինելու կործանարար ձգտում
2. Հարմարվելու ինքնաոչնչացնող երևույթ
3. Կարծիքի մեջ միայնակ մնալու վախը
4. Երկնքից իջած միակ փրկիչին սպասելու կոմպլեքսը, որի ոտքերն էլ անպայման պիտի ամպոտ լիներ
5. Կռապաշտությունն ու կուռքի անսխալականության միֆը
6. Կաշառք տալը և վերցնելը որպես սովորական երևույթ ընկալումը
7. Իշխանությունը, որպես իշխող, այլ ոչ թե ծառայող կառույցի պատկերացումը
8. Սեփական շահը հանրային ու պետական շահից գերադասելու աններելի փաստը
9. Թերություն տեսնելն ու լռելը, մոռանալով որ դա լավություն չի, այլ հանցակից դառնալ է
10. Պետությունից գողացողը գող չէր, մոռանալով որ նա գողանում է մեզանից
11. Թայֆայականությունն ու նեղ կուսակցական շահերը, կուսակցին ամեն կերպ արդարացնելու խայտառակ պրակտիկան և այլն

Եթե մի բան էլ բաց եմ թողել, կարող եք ինքներդ լրացնել։

Քանի դեռ մենք չենք ազատվել այս կարգի արատներից, չենք կարողանա ձևավորել այն առողջ հասարակությունը, որը կծնի իր առողջ իշխանությունը։ Իսկ մինչ այդ մենք ստիպված պիտի լինենք ապավինել վերևում կանգնածի բարի կամքին։ Սրա միջով են անցել բոլոր կայացած երկրները, և հույսով եմ մենք էլ կարող ենք հաղթահարել այն»։