Մտավորականները Ռիտային քցեցին

Ռիտա Սարգսյանը նեղացել է մշակութային գործիչներից: Դեռ երեկ էր, երբ ողջ մշակութային էլիտան` փոքրիկ բացառություններով, պտտվում էին Ռիտա Սարգսյանի շուրջ` իրենց ջրաղացն աշխատեցնելու համար:

Եվ իրոք՝ Ռիտա Սարգսյանն օգնում էր խնդրարկուներին. մեկին շատ, մյուսին` քիչ, սակայն ուներ նախընտրելի երգիչ-երգչուհիներ, ովքեր մշտապես աջակցություն ունեին նախկին առաջին տիկնոջից:

Այսօր արդեն, երբ Հայաստանում իրողությունները փոխվել են` տիկին Ռիտայի երեսին չեն նայում, կամ մի կողմ են քաշվել` համընթաց քամու սպասելիս:

Հաճախ էր հատկապես համացանցային հանրությանը հասու դառնում այն խնջույքները, ծննդյան կերուխումը, որին մասնակից էր նախկին առաջին տիկինը, իսկ շուրջը՝ ով պատահի. փորձում էին մոտենալ, խոսել, մեկ հայացք գողանալ, կարճ ասած՝ արժանանալ Ռիտայի ողորմածությանը: Ոմանց դա հաջողվում էր, ոմանց` ոչ:

Իհարկե, չենք մոռացել, թե ինչպես երգչուհի Ալլա Լևոնյանը համերգը դադարեցրել էր` տիկին Ռիտային ողջունելու համար, որի համար էլ արժանացել էր քննդադատությունների:

Լավ, իսկ ի՞նչ եղան այդ մտավորականները, որոնց հովանավորում էր ոչ միայն կյանքում, նաև մասնագիտական առումով. մեկ վայրկյանում անհետացա՞ն տեսադաշտից:

Խնդիրը միակողմանի չէ. նախ՝ տիկին Ռիտան հովանավորչության և փողի շնորհիվ էր իր շուրջը հավաքել մտավորականների, նախընտրելի երգիչ-երգչուհիների, իսկ երբ չկան հավատարիմներ, այլ միայն ակնկալիք ունեցողներ են՝ ապա նրանք կանհետանան ավելի շուտ, քան հեղափոխության օրը կբացվեր: Այդպես էլ եղավ:

Իհարկե, տիկնոջ համար շատ ցավալի է տեսնել նման երախտամոռություն, սակայն փողի ուժով մարդկանց չես կարող պահել քեզ մոտ, իսկ Ռիտա Սարգսյանին շուրջբոլորը հավաքվել էին միմիայն փողի ակնկալիքով` ի՞նչ սեր, ի՞նչ հավատարմություն...

Իհարկե, արդեն ուշ է խորհուրդ տալ, որ շրջապատը կառուցում են սիրո վրա, ոչ թե փողի. ենթադրվում է՝ արդեն ուշ է, իսկ մտավորականներն արդեն այլ հավաքատեղի են փնտրում` առաջին շարքերում մնալու համար:

Ի դեպ, չի բացառվում, որ հենց Ռիտա Սարգսյանի պատուհանների տակով երեկվա «հավատարիմները» կուղղվեն հաջորդ առաջին տիիկնոջ մոտ` դարձյալ հովանավորչության համար:

NEWSPRESS.am